ەرلان قياسوۆ ۆاكسينانىڭ قورعانىش اسەرىنە قاتىستى تۇسىنىك بەردى

None
None
نۇر- سۇلتان. قازاقپارات - ق ر دەنساۋلىق ساقتاۋ ۆيتسە- ءمينيسترى، باس مەملەكەتتىك سانيتارلىق دارىگەر ەرلان قياسوۆ كوروناۆيرۋسقا قارسى ۆاكسينانىڭ قورعانىش رەاكسياسى تۋرالى ايتتى، دەپ حابارلايدى قازاقپارات ءتىلشىسى.

«ايتا كەتەتىن جايت، ۆاكسيناتسيالاۋدان كەيىنگى قورعانىش اسەرى، ياعني كوروناۆيرۋسقا قارسى انتيدەنەلەر دوزانى العاش قابىلداعاننان كەيىن 12-14 كۇننەن سوڭ باستالادى. تولىق يممۋنيتەتتى قامتاماسىز ەتۋ ءۇشىن 21 كۇندىك ارالىقپەن ەكى كومپونەنتتەن تۇراتىن ۆاكسيناتسيانىڭ تولىق كۋرسىن الۋ كەرەك»، - دەپ ءتۇسىندىردى ە. قياسوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، ۆاكسيناتسيالاۋ كۋرسى اياقتالعاننان كەيىن، 1,5 ايدىڭ ىشىندە اعزانىڭ يممۋندىق رەاكسياسى پايدا بولادى. سوندىقتان ۆاكسينا قابىلداعان ادامدار پروفيلاكتيكالىق شارالاردى ساقتاۋى كەرەك.

«سونىمەن قاتار، شىلدە ايىنا دەيىن قاراعاندى فارماتسيەۆتيكالىق كەشەنىنىڭ ۆاكسينانى ءوندىرۋ كولەمى 2 ميلليون دوزاعا دەيىن جەتكىزىلەتىن بولادى»، - دەدى ەرلان قياسوۆ.

بۇدان بۇرىن حابارلانعانداي ، ەرلان قياسوۆ كوروناۆيرۋسقا قارسى ۆاكسينالاۋ ناۋقانىنا قاتىستى تۇسىنىك بەردى. كوروناۆيرۋس ينفەكسياسىنا قارسى ۆاكسيناتسيالاۋ جالعاسىپ جاتىر. قازىرگى كەزدە ءبىرىنشى كومپونەنتپەن 20157 ادام ەگىلدى. 22 -اقپاننان باستاپ ەكىنشى كومپونەنتپەن ۆاكسينالاۋ باستالىپ، 2137 ادامعا ەكپە جاسالدى، قولايسىز كورىنىستەر تىركەلگەن جوق.

اۆتور: رۋسلان عابباسوۆ


سوڭعى جاڭالىقتار