الماتىدا قانداي ماماندىق يەلەرى تاپشى
ونىڭ ايتۋىنشا، دەنساۋلىق ساقتاۋ سالاسىندا ماماندار تاپشىلىعى بايقالادى.
«ءبىز «ەڭبەك» پورتالى ارقىلى قانداي ماماندىقتارعا سۇرانىس جوعارى ەكەنىن باقىلاپ وتىرامىز. قازىر دەنساۋلىق ساقتاۋ سالاسىندا ۇلكەن قاجەتتىلىك بار. اسىرەسە، تەراپيەۆت پەن نيەۆروپاتولوگ دارىگەرلەرى تاپشى. سونىمەن قاتار، ءبىلىم بەرۋ سالاسىندا: پەداگوگيكالىق كادرلارعا قاجەتتىلىك بايقالادى»، - دەدى ديليارا يمانقۇلوۆا.
سونىمەن قاتار، ول IT - ماماندارىنا سۇرانىستىڭ ءوسىپ كەلە جاتقانىن اتاپ ءوتتى.
«مەنىڭ ويىمشا، IT سالاسىنىڭ مامانى ءالى دە ءبىرىنشى ورىندا تۇر. پاندەميا دارىگەرلەر مەن مۇعالىمدەردى جۇمىسپەن قامتۋعا مۇمكىندىك بەرەدى. وسى ءۇش نەگىزگى ماماندىقتى مەن جاستارعا ۇسىنار ەدىم»، - دەپ تولىقتىردى سپيكەر.
ديليارا يمانقۇلوۆا 2021 -جىلى جۇمىسسىزدىق دەڭگەيىنىڭ وسۋىنە جول بەرمەۋ مەن جۇمىسپەن قامتۋدىڭ ءبىرىڭعاي سيفرلى جۇيەسىن قۇرۋدى باستى ماقسات ەتىپ وتىرعانىن ايتتى.
اۆتور: الما مۇقانوۆا