+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

ەڭ تومەنگى جالاقى قاشان كوتەرىلەدى - ۇكىمەت جاۋابى

24 اقپان 11:00
:ءبولىسۋ
ەڭ تومەنگى جالاقى قاشان كوتەرىلەدى - ۇكىمەت جاۋابى

نۇر-سۇلتان. قازاقپارات - ەلىمىزدە جالاقىنىڭ تومەنگى مولشەرىن ارتتىرۋ ماقساتىندا ارنايى جول كارتاسى ازىرلەنەدى.

بۇل تۋرالى ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترى اسقار ماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

««ەڭ تومەن الەۋمەتتىك ستاندارتتار جانە ولاردىڭ كەپىلدىكتەرى تۋرالى» قازاقستان رەسپۋبليكاسى زاڭىنىڭ 11-بابىنا سايكەس ەڭ تومەنگى جالاقى ەڭبەك سالاسىنداعى ەڭ تومەن الەۋمەتتىك ستاندارتتاردىڭ ءبىرى بولىپ تابىلادى. ول ەڭبەك كودەكسىنىڭ 104-بابىنا سايكەس ءتيىستى قارجى جىلىنا ارنالعان رەسپۋبليكالىق بيۋدجەت تۋرالى قازاقستان رەسپۋبليكاسىنىڭ زاڭىمەن جىل سايىن بەلگىلەنەدى جانە ەڭ تومەنگى كۇنكورىس دەڭگەيىنەن كەم بولماۋعا ءتيىس. 2019 -جىلدىڭ 1-قاڭتارىنان باستاپ جالاقىنىڭ تومەنگى مولشەرى 1,5 ەسەگە (28284 تەڭگەدەن 42500 تەڭگەگە دەيىن) ارتتىرىلدى، بۇل ماقساتقا رەسپۋبليكالىق بيۋدجەتتەن قوسىمشا 259 ميلليارد تەڭگە ءبولىندى جانە تۇتاستاي العاندا حالىقتىڭ ورتاشا جالاقى مولشەرىنە وڭ اسەرىن تيگىزدى»، - دەدى ۇكىمەت باسشىسى.

ونىڭ اتاپ وتۋىنشە، جالاقىنىڭ تومەنگى مولشەرىن ارتتىرۋ ماقساتىندا ارنايى جول كارتاسى ازىرلەنەدى. ونىڭ اياسىندا ەڭبەكاقىنىڭ تومەنگى مولشەرىن ارتتىرۋدىڭ نەگىزگى تاسىلدەرى مەن تەتىكتەرى زەردەلەنىپ، ەڭ تومەنگى جالاقىنى بەلگىلەۋ ادىستەمەسى جەتىلدىرىلەدى.

«جالاقىنىڭ تومەنگى مولشەرىن ارتتىرۋ رەسپۋبليكالىق بيۋدجەتتەن قوسىمشا شىعىستاردى تالاپ ەتەدى. وسىعان بايلانىستى بۇل ماسەلە ەلدەگى ەكونوميكالىق جاعدايعا جانە مەملەكەتتىك بيۋدجەتتىڭ ناقتى مۇمكىندىكتەرىنە قاراي قارالاتىن بولادى. قازىرگى ۋاقىتتا ۇكىمەت ەلدىڭ ماكروەكونوميكاسىنا جالاقىنىڭ ەڭ تومەنگى مولشەرىن ارتتىرۋدىڭ اسەرىن باعالاۋعا بايلانىستى زەردەلەۋ جۇرگىزۋدە جانە ونىڭ ناتيجەسىندە قازاقستان رەسپۋبليكاسى ازاماتتارىنىڭ ءال- اۋقاتىن ارتتىرۋعا باعىتتالعان قاجەتتى شارالار قابىلداناتىن بولادى»، - دەدى اسقار مامين.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات