فيل دجەي: «الۆارەس» قانات يسلامعا نازار دا اۋدارمايدى

نۇر-سۇلتان. قازاقپارات - ورتا سالماقتا ونەر كورسەتەتىن قازاقستاندىق بوكسشى قانات يسلامنىڭ سوڭعى جەڭىسى وتە سەنىمدى بولدى. ءبىراق ونىڭ قارسىلاسى وتە ءالسىز بولدى.

مۇنداي پىكىردى Vesti.kz تىلشىسىنە بەرگەن سۇقباتىندا WorldBoxingNews سايتىنىڭ رەكوكتورى فيل دجەي ايتتى.

سەنبى كۇنى قازاقستاندىق بوكسشى مايامي (فلوريدا شتاتى، ا ق ش) قالاسىندا ەكۆادورلىق دجەيسون مينداعا قارسى شىعىپ، جەتىنشى راۋندتا نوكاۋتپەن جەڭىسكە جەتتى.

«جەكپە-جەكتىڭ ناتيجەسى ءاۋ باستا-اق بەلگىلى ەدى. قانات ۇستەمدىككە يە بولىپ، بىرنەشە رەت قارسىلاسىن قۇلاتتى. جالپى ميندا مىقتى قارسىلاس ەمەس. ول سوڭعى ەكى كەزدەسۋىن نوكاۋتپەن جەڭىلدى. قازاقستاندىق بوكسشى دا ونى نوكاۋتقا تۇسىرەتىنى انىق بولدى. يسلام كەرەمەت كەزدەسۋ وتكىزدى. ءبىراق قارسىلاسى وتە ءالسىز. ونىڭ ۇستىنە قارسىلاسى كەزدەسۋگە ءبىر كۇن قالعاندا اۋىسىپ كەتتى. قاناتتىڭ بولاشاعى تۋرالى ەشتەڭە ايتا المايمىن. وتكەن كەزدەسۋ بويىنشا دا ونىڭ دەڭگەيىن ايتۋ قيىن. ول «كانەلومەن» كەزدەسكىسى كەلەتىنىن ايتتى. دەگەنمەن، ول مۇمكىن ەمەس. مەكسيكالىق بوكسشى بەلبەۋى بار، اتاقتى بوكسشىلاردى قاراستىرۋدا. ءدال قازىر ول يسلامعا نازارىن دا اۋدارمايدى»، - دەدى ول.

ايتا كەتەيىك، سوڭعى جەكپە-جەگىنەن كەيىن يسلام ساۋل «كانەلو» الۆارەستى جەكپە-جەككە شاقىرسا، بوكسشىمىزدىڭ پروموۋتەرى نەلسون لوپەس كەلەسى كەزدەسۋدى مامىر نەمەسە قىركۇيەكتە وتەتىنىن اتاپ ءوتتى.