+7 (701) 759 90 19
-18 °С : نۇر-سۇلتان
1 °С : الماتى
USD 417.9 EUR 503.07
RUB 5.64 CNY 64.7
جاڭالىقتار

اسقازان نەگە شۇرىلدايدى؟

24 اقپان 10:16
:ءبولىسۋ
اسقازان نەگە شۇرىلدايدى؟

نۇر-سۇلتان. قازاقپارات - بىرەۋدىڭ كوزىنشە اسقازان شۇرىلداپ قويا بەرسە، «ەەە، قارنىڭ اشقان ەكەن» دەپ جاتادى.

بۇعان ءبىز دە سەنەمىز. اسقازان شۇرىلداسا، تاماق ءىشۋ كەرەك دەپ تىسكەباسار ىزدەپ كەتەتىنىمىز تاعى بار. ەندەشە اسقازان نەگە شۇرىلدايدى ەكەن، مۇنىڭ سەبەبى نە ءارى قورقاتىن دۇنيە بار ما، جوق پا - انىقتاپ كورەلىك.

اسقازاننىڭ ءبىر جامان قاسيەتى - ىڭعايسىز كەزدە شۇرىلداپ قويا بەرەتىنى. اسىرەسە بوگدە ادامنان ۇيات. نە دەرىمىزدى بىلمەي قالامىز. ءبىراق ۇيالۋدىڭ، ۋايىمداۋدىڭ سەبەبى جوق ەكەن. نەگە دەسەڭىز، بۇل قالىپتى، تابيعي نارسە. كەز كەلگەننىڭ باسىنان وتەر جاعداي.

اسقازاننىڭ شۇرىلى ەرتەدەن بەلگىلى. كونە گرەكتەر مۇنداي دىبىستى بوربوريگم دەپ اتاعان. شۇرىلداعان دىبىسقى ەلىكتەپ سولاي اتاسا كەرەك. قازىر بۇل ءسوز مەديتسينالىق تەرمينگە اينالدى. اسقازاننىڭ شۇرىلداۋىن بىلدىرەتىن مەديتسينالىق اتاۋ.

قارىننىڭ نەگە شۇرىلدايتىنىن بىلمەس بۇرىن، اسقازاننىڭ قۇرىلىسىنا ءبىر كوز جۇگىرتەيىك. اسقازاننىڭ جالعاسى اش ىشەككە كەتەتىنى بەلگىلى. اسقازان-ىشەك جولى قۇبىر سياقتى. وڭەشتەن باستاپ، اينالشىققا (انۋس) دەيىن جالعاسىپ جاتىر. ىشەكتىڭ ءىشى قويمالجىڭ مايلى بۇلشىق ەتتەن تۇرادى.

ادام تاماق ىشكەن كەزدە، اسقازانعا تۇسكەن تاعام قورىتىلىپ اش ىشەككە وتەدى. ال اش ىشەك قورىتىلعان تاماقتى ءسىڭىرۋ ءۇشىن قوزعالىپ، «جۇتىنا باستايدى». شۇرىلداعان دىبىس تا سودان شىعادى. اسقازاندا تاماق باردا، اش ىشەكتىڭ ءىشى دە تاعامعا تولىپ جاتادى دا، ونىڭ «جۇتىنعان» دىبىسى سىرتقا شىقپاي ىشتە سەمىپ كەتەدى.

ال اش ىشەكتە اس-اۋقات جوق كەزدە، ونىڭ «جۇتىنعان» دىبىسىن ناق ەستيمىز دە، شۇرىلداعانىن سەزەمىز. ايتپەسە بۇل اش ىشەكتىڭ قالىپتى جۇمىسى، بيوريتمى.

اش ىشەكتىڭ تاماق جوق كەزدە، جۇمىس ىستەپ تۇرۋى وتە ماڭىزدى. ويتكەنى تاماقتىڭ قالدىعى مەن باكتەريالار ءبىر جەردە جينالىپ قالماۋى ءتيىس. ال «شۇرىل دىبىس» 10-20 مينۋتتىڭ ىشىندە كەتەدى. ءارى تاماق ءىشىپ بولعان سوڭ، 1-2 ساعاتتان كەيىن مىندەتتى تۇردە شۇرىلدايدى. بۇل - قالىپتى قۇبىلىس.

ءبىراق مۇنى قارىن اشقاندى بىلدىرەدى دەۋگە كەلمەيدى. ويتكەنى ادام تاماق ىشكەننەن سوڭ 12-24 ساعاتتان كەيىن قارنى اشادى. وعان دەيىن اشتىقتى سەزبەيدى.

massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات