+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

انكارادا ۇلى دالانىڭ ۇلى تۇلعالارى ۇلىقتالدى

24 اقپان 09:30
:ءبولىسۋ
انكارادا ۇلى دالانىڭ ۇلى تۇلعالارى ۇلىقتالدى

نۇر-سۇلتان. قازاقپارات - قازاقستاننىڭ تۇركياداعى ەلشىلىگى، حالىقارالىق تۇركى اكادەمياسى جانە ەۋرازيا جازۋشىلار وداعىنىڭ ۇيىمداستىرۋىمەن «ۇلى دالانىڭ ۇلى تۇلعالارى ءال-فارابي، اباي جانە جامبىل» اتتى ءىس-شارا ءوتتى، دەپ حابارلايدى ق ر س ءى م باسپا ءسوز قىزمەتى.

بۇل جيىن عالىم ءارى فيلوسوف ءابۋ ناسىر ءال-فارابيدىڭ تۋعانىنا 1150 جىل جانە اقىن ءارى ويشىل اباي قۇنانباي ۇلىنىڭ تۋعانىنا 175 جىل تولۋىنا وراي 2020-جىلى باستالعان ەسكە الۋ شارالارىنىڭ ۇيلەسىمدى جالعاسى بولدى.

2021-جىلى ۇلى دالا اقىندىق ءداستۇرىنىڭ كورنەكتى وكىلى جامبىل جابايەۆتىڭ تۋعانىنا 175 جىل تولىپ وتىرعانى ءمالىم. ءىس-شارادا ءسوز سويلەگەن قازاقستان ەلشىسى ابزال ساپاربەك ۇلى 2020 ءال-فارابي جانە اباي جىلى اياسىندا تۇركيادا قىرۋار شارۋا اتقارىلىپ: كوشەلەرگە، پاركتەر مەن ءتۇرلى مەكەمەلەرگە دالا دانىشپاندارىنىڭ اتتارى بەرىلگەنىن، ەسكەرتكىشتەرى اشىلدى، كىتاپتارى تۇرىك تىلىندە جارىق كورگەنىن جەتكىزدى.

2021-جىلى جامبىلدىڭ مۇراسىن تانىتۋ جىلى بولاتىنىن ايتقان ەلشى جامبىلدىڭ شىعارمالارىن قازاق حالقىنىڭ مادەني ەنتسيكلوپەدياسى جانە رۋحاني قازىناسى رەتىندە سيپاتتادى. 2021-جىلدىڭ بۇكىل تۇركى الەمى ءۇشىن ماڭىزدى مەرەيتويلاردى اتاپ وتەتىن جىل بولاتىنىن ەسكە سالعان ا. ساپاربەك ۇلى ەلىمىزدىڭ تاۋەلسىزدىگىنىڭ 30 جىلدىق مەرەيتويىنىڭ اتالىپ وتىلەتىنىن ايتتى.

ەلشى تۇركيانىڭ قازاقستاننىڭ تاۋەلسىزدىگىن العاش مويىنداعان ەل بولعانىن اتاپ ءوتىپ، «وسىعان بايلانىستى تۇركيادا ءبىز كەڭ اۋقىمدى ءىس-شارالار وتكىزۋدى جوسپارلاپ وتىرمىز»، - دەدى.

ەلشى تاۋەلسىزدىكتىڭ 30 جىلدىعىمەن قاتار، قازاقستان تاريحىنداعى ءبىرقاتار ماڭىزدى وقيعالاردىڭ جىلدىقتارى مەن بەلگىلى تۇلعالاردىڭ مەرەيتويلارىنىڭ اتالىپ وتەلىتىنىن مالىمدەدى. ءىس-شارادا ءسوز سويلەگەن حالىقارالىق تۇركى اكادەمياسىنىڭ پرەزيدەنتى دارحان قىدىرالى تۇرىك حالقىنا اتاجۇرت قازاقستاننىڭ ىستىق سالەمىن بىلدىرە وتىرىپ، پاندەمياعا قاراماستان، اباي مەرەيتويىنىڭ تۇركيادا وتە اۋقىمدى تويلانۋىنىڭ تۇرىك حالقىنىڭ قازاقستانعا دەگەن ىستىق ىقىلاسىنىڭ كورسەتكىشى بولىپ تابىلاتىنىن ايتتى.

«احمەت ياساۋي، سۇلتان الپارسلان، حاجى بەكتاش ۆەلي، احي ەۆران، فارابي، اباي جانە جامبىل - ءبىزدىڭ ورتاق قۇندىلىقتارىمىز» دەپ ايتقان د. قىدىرالى وسى تۇلعالار ارقىلى تۇركى الەمىنىڭ بىرلىگى نىعايىپ كەلە جاتقانىنا نازار اۋداردى. ەۋرازيا جازۋشىلار وداعىنىڭ ءتوراعاسى ياكۋپ ومەروعلۋ ءال-فارابي، اباي جانە جامبىلعا ارنالعان وسى ءىس-شارا بولعان كۇنى انكارادا دانىشپان تونىكوكتىڭ ەسكەرتكىشىنىڭ اشىلۋىن جاقسىلىقتىڭ ءبىر نىشانى دەپ جوردى.

ومەروعلۋ «دالا ادەبيەتىنىڭ ۇلى اقىنى جامبىل» كىتابىنىڭ اۆتورى مىرزاتاي جولداسبەكوۆتىڭ ءوز ەڭبەگىندە ورحون ەسكەرتكىشتەرى مەن جامبىلدىڭ اقىندىق ءداستۇرى اراسىنداعى ساباقتاستىقتى پاش ەتكەنىن مالىمدەدى. ءىس-شارادا ءسوز سويلەگەن تۇركسوي باس حاتشىسى دۇيسەن قاسەينوۆ 2020-جىلى ءال-فارابي مەن اباي جىلىنا ارنالعان ءىس-شارالار تۋرالى اقپارات بەردى.

ءال-فارابيدىڭ «مۋزىكانىڭ ۇلكەن كىتابى» ارابشادان تۇرىكشەگە اۋدارىلىپ جاتقانىن ايتقان د. قاسەينوۆ جاڭا باسىلىمنىڭ جاقىندا وقىرماندارىمەن قاۋىشاتىنىن جەتكىزىپ، ءسۇيىنشى بەردى.

سونىمەن بىرگە، ول تۇركسويدىڭ 2021-جىلى جامبىلدىڭ مەرەيتويىنىڭ لايىقتى تۇردە اتاپ ءوتۋ ءۇشىن بار كۇشىمەن جۇمىس ىستەيتىنىن مالىمدەدى.

سالتاناتتى سوزدەردەن كەيىن م. جولداسبەكوۆتىڭ «دالا ادەبيەتىنىڭ ۇلى اقىنى جامبىل» كىتابىنىڭ تۇرىكشەگە اۋدارىلعان نۇسقاسىنىڭ تۇساۋكەسەرى بولدى. وسىدان كەيىن، 2020 جىلى ءال-فارابي مەن ابايدىڭ تۇركيادا تانىلۋىنا ۇلەس قوسقان عالىمدار، جۋرناليستتەر مەن مەملەكەتتىك قايراتكەرلەر ق ر پرەزيدەنتىنىڭ، حالىقارالىق تۇركى اكادەمياسىنىڭ، ق ر مادەنيەت جانە سپورت مينيسترلىگىنىڭ جانە قازاقستان ەلشىلىگىنىڭ العىس حاتتارى جانە مەدالدارىمەن ماراپاتتالدى.

اتاپ ايتقاندا، «ۇلتتىق كوزقاراس» جۋرنالىنىڭ باس رەداكتورى، تۇركيا پارلامەنتى دەپۋتاتى مەتين گۇندوعدۋعا، TRT Avaz ارناسىنىڭ ۇيلەستىرۋشىسى سەدات ساعىركاياعا جانە پامۋككالە ۋنيۆەرسيتەتىنىڭ پروفەسسورى نەرگيز بيرايعا پرەزيدەنت قاسىم-جومارت توقايەۆتىڭ العىس حاتتارى تابىستالدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات