قازاقستاننىڭ دارىلىك پرەپاراتتارى قانداي ەلدەرگە ەكسپورتتالادى؟

None
None
نۇر-سۇلتان. قازاقپارات - 2020-جىلى پاندەميا كەزىندە ەلدىڭ ىشكى نارىعىن فارماتسيەۆتيكالىق ونىمدەرمەن قامتاماسىز ەتۋ ماسەلەسى وتكىر بولدى.

وسىنى ەسكەرە وتىرىپ وتاندىق وندىرۋشىلەر 2020-جىلدىڭ قورىتىندىسى بويىنشا سالاداعى ءوندىرىس كولەمىن %47 وسىرگەن، دەپ حابارلايدى قازاقپارات ءتىلشىسى ۇكىمەتتىڭ باسپا ءسوز قىزمەتىنە سىلتەمە جاساپ.

«بۇعان وتاندىق كاسىپورىنداردا شىعارىلاتىن ءونىم كولەمىنىڭ ۇلعايۋى سەبەپ بولدى. بۇدان باسقا كورسەتكىشتەردىڭ وسۋىنە «س ق- فارماتسيا» ءبىرىڭعاي ديستريبيۋتورى ارقىلى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتاردى جەتكىزۋدىڭ ۇلعايۋى، دارىلىك زاتتار مەن مەديتسينالىق بۇيىمدارعا حالىقتىڭ جوعارى سۇرانىسىنا بايلانىستى بولشەك ساۋدادا وتكىزۋدىڭ ۇلعايۋى مۇرىندىق بولعان»، - دەلىنگەن حابارلامادا.

ماسەلەن، «حيمفارم» ا ق شىعاراتىن ءونىم كولەمى 2 ەسەگە ارتقان. سونىمەن قاتار كومپانيا كەيىنگى 2 جىلدا ەكسپورت كولەمىن 2,5 ەسە ارتتىردى. بۇگىنگى تاڭدا كاسىپورىننىڭ دارىلىك پرەپاراتتارى ورتالىق ازيا جانە ە ا ە و نارىقتارىندا كەڭىنەن سۇرانىسقا يە. سونداي-اق، ونىمدەر قىرعىزستان، تاجىكستان، تۇرىكمەنستان، موڭعوليا جانە رەسەي سياقتى ەلدەرگە ەكسپورتتالادى.

بيىل وزبەكستان نارىعىنا شىعۋ ارقىلى ەكسپورتتى ەكى ەسەگە ارتتىرۋ جوسپارلانۋدا. سونداي-اق ماڭىزدى سىن-تەگەۋرىندەردىڭ ءبىرى — ەۋروپالىق وداقتىڭ ءدارى-دارمەك نارىعىنا شىعۋ.

وسىلايشا، 2023-جىلعا قاراي ەكسپورت كولەمىن 16 ميلليارد تەڭگەگە دەيىن ۇلعايتۋ جوسپارلانعان.

بۇگىنگى تاڭدا كاسىپورىن قورجىنىندا 11 وندىرىستىك جەلىدە وندىرىلەتىن 9 ءتۇرلى فورماداعى 120 دان استام ءدارى-دارمەك اتاۋى بار.

سوڭعى جاڭالىقتار