+7 (701) 759 90 19
-18 °С : نۇر-سۇلتان
1 °С : الماتى
USD 420.65 EUR 505.03
RUB 5.64 CNY 65.01
جاڭالىقتار

قار، بوران، جەل - سارسەنبىگە ارنالعان اۋا رايى

24 اقپان 07:07
:ءبولىسۋ
قار، بوران، جەل - سارسەنبىگە ارنالعان اۋا رايى

نۇر-سۇلتان. قازاقپارات - سارسەنبى كۇنى ەلىمىزدە جەل كۇشەيىپ، بوران سوعادى، سولتۇستىكتە قالىڭ قار جاۋىپ، وڭتۇستىك وڭىرلەردە تۇمان ءتۇسىپ، كوكتايعاق بولۋى مۇمكىن، دەپ حابارلايدى قازاقپارات قازگيدرومەتكە سىلتەمە.

24- اقپاندا قازاقستان اۋماعىنىڭ باسىم بولىگىندە فرونتالدى بولىكتەردىڭ وتۋىنە بايلانىستى قۇبىلمالى اۋا رايى ساقتالادى. قار جاۋادى، ەلىمىزدىڭ سولتۇستىگىندە كەي جەرلەردە تۇندە قالىڭ قار تۇسەدى، وڭتۇستىگىندە، وڭتۇستىك-شىعىسىندا، كۇندىز شىعىسىندا قار ارالاس جاڭبىر جاۋادى، تەك باتىستا انتيتسيكلون ىقپالىمەن كۇن رايى اشىق بولادى.

ەلىمىزدىڭ كەي جەرلەرىندە تۇمان تۇسەدى، كوكتايعاق بولادى، جەل كۇشەيىپ، بوران سوعادى، وڭتۇستىكتە جانە سولتۇستىكتە جەل كۇشەيىپ، جىلدامدىعى 30 م/س اسىپ كەتەدى.

جامبىل، تۇركىستان، قوستاناي وبلىستارىنىڭ كەي جەرلەرىندە تۇمان تۇسەدى، كوكتايعاق بولادى، بوران سوعادى، جەل كەي جەرلەردە 15-20 م/س كۇشەيىپ، ەكپىنى 23-28 م/س جەتەدى، تاۋلى اۋدانداردا 30 م/س اسىپ كەتەدى.

سولتۇستىك قازاقستان وبلىسىنىڭ كەي جەرلەرىندە بوران سوعۋى ىقتيمال، جەل تۇندە 15-20 م/س كۇشەيەدى، كەي جەرلەردە جىلدامدىعى 23-28 م/س جەتەدى، ەكپىنى 30 م/س اسىپ كەتۋى مۇمكىن، كۇندىز 15-20 م/س جەل سوعادى.

اقمولا، قاراعاندى وبلىستارىنىڭ كەي جەرلەرىندە تۇمان تۇسەدى، بوران سوعادى، جەلدىڭ كۇشى تۇندە 15-20 م/س، كەي جەرلەردە 23-28 م/س كۇشەيەدى، كۇندىز كەي جەرلەردە جىلدامدىعى 15-20 م/س بولادى، قاراعاندى وبلىسىندا كۇندىز ەكپىنى 23-28 م/س جەتەدى.

ەرتەڭ كۇندىز پاۆلودار وبلىسىنىڭ كەي جەرلەرىندە كوكتايعاق بولادى، جەل كۇشەيىپ، تۇندە كەي جەرلەردە جىلدامدىعى 15-20 م/س جەتەدى، كۇندىز 15-20 م/س بولادى، بورانمەن ەكپىنى 23-28 م/س كۇشەيەدى. قىزىلوردا وبلىسىنىڭ كەي جەرلەرىندە كوكتايعاق بولادى، بۇرقاسىن سوعادى، جەل جىلدامدىعى 15-20 م/س، ەكپىنى 23-28 م/س جەتەدى.

الماتى، شىعىس قازاقستان وبلىستارىنىڭ كەي جەرلەرىندە تۇمان تۇسەدى، كوكتايعاق بولادى، جەل كۇشەيىپ جىلدامدىعى 15-20 م/س، ەكپىنى 23 م/س جەتەدى، شىعىس قازاقستان وبلىسىندا جاياۋ بوران سوعۋى ىقتيمال.

باتىس قازاقستان وبلىسىندا جەل جىلدامدىعى 15-20 م/س، بوراندا ەكپىنى 23 م/س كۇشەيەدى.

اتىراۋ، ماڭعىستاۋ، اقتوبە وبلىستارىنىڭ كەي جەرلەرىندە جاياۋ بوران سوعادى، جەل 15-20 م/س كۇشەيەدى، اقتوبە وبلىسىندا ەكپىنى 23 م/س جەتەدى، ماڭعىستاۋ وبلىسىنىڭ كەي جەرلەرىندە كوكتايعاق بولۋى مۇمكىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات