ەلوردادا ورالحان بوكەيدىڭ «اۋىل حيكايالارى» سپەكتاكلىنىڭ پرەمەراسى وتەدى

نۇر- سۇلتان. قازاقپارات 27-28- اقپاندا ءا. مامبەتوۆ اتىنداعى مەملەكەتتىك دراما جانە كومەديا تەاترىندا التايدىڭ كورنەكتى جازۋشىسى ورالحان بوكەيدىڭ «اۋىل حيكايالارى» سپەكتاكلىنىڭ پرەمەراسى وتەدى.

«التايدىڭ كەربۇعىسى» اتانعان زاڭعار جازۋشى ورالحان بوكەيدىڭ اڭگىمەلەرى ومىرشەڭدىگىمەن، تەرەڭ سىرلى ليريكاسىمەن ەل جۇرەگىنەن ءوز ورنىن العان. «اۋىل حيكايالارى» دراماسى سۋرەتكەر و. بوكەيدىڭ «اپامنىڭ استاۋى»، «قوش، ماحابباتىم» جانە «ماڭدايدان باعىڭ شايقالسا» اڭگىمەلەرىنىڭ جەلىسى بويىنشا ساحنالانادى.

كورەرمەندەر وكىنىش پەن قوشتاسۋ، قۋانىش پەن مۇڭ، ماحاببات پەن قيماستىق سەزىمىن باستان كەشىرىپ، كىشى ساحنادا قويىلىمنىڭ قاتىسۋشىنا اينالادى. قويىلىم ءسىزدىڭ جۇرەك تۇبىندەگى ىستىق سەزىمدەردى وياتىپ، اسىل شاقتارىڭىزدى ەسكە الۋعا، ءسىز ءۇشىن قىمبات جاندارمەن تاعى ءبىر مارتە تىلدەسۋگە، سىرلاسۋعا مۇمكىندىك بەرەدى.

اۆتورى: ورالحان بوكەي. رەجيسسەرلەرى: قازاقستاننىڭ ەڭبەك سىڭىرگەن قايراتكەرى - سايلاۋ قاميەۆ، نۇرجىگىت مۋسليموۆ، ءالي بيداحمەت، سۋرەتشى - اينۇر ەسبولاتوۆا.

وتەتىن ورنى: NOMAD CITY HALL مەكەن- جايى: نۇر- سۇلتان قالاسى، ماڭگىلىك ەل داڭعىلى، 55/2, B2-3. باستالۋى ساعات 19:00