+7 (701) 759 90 19
-18 °С : نۇر-سۇلتان
1 °С : الماتى
USD 420.65 EUR 505.03
RUB 5.64 CNY 65.01
جاڭالىقتار

ۇلتتىق بىلىكتىلىك تەستىلەۋدە ەرەجە بۇزعان مۇعالىمدەر كوبەيدى - تەستىلەۋ ورتالىعى

23 اقپان 19:21
:ءبولىسۋ
ۇلتتىق بىلىكتىلىك تەستىلەۋدە ەرەجە بۇزعان مۇعالىمدەر كوبەيدى - تەستىلەۋ ورتالىعى

نۇر- سۇلتان. قازاقپارات - پەداگوگتەر اراسىندا ۇلتتىق بىلىكتىلىك تەستىلەۋ باستالعان كۇننەن بەرى 349 مۇعالىم ەرەجە بۇزىپ ۇلگەرگەن. بۇل تۋرالى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ ايتىپ بەردى، دەپ حابارلايدى قازاقپارات.

«ءبىز قادىرلى پەداگوگتەرىمىزگە اسقان قۇرمەتپەن قاراپ، ولاردىڭ جۇمىسىن باعالايمىز. مىنە، سوندىقتان دا ق ر ءبىلىم جانە عىلىم مينيسترلىگىنىڭ تاپسىرماسىمەن ۇلتتىق بىلىكتىلىك تەستىلەۋدىڭ قاتىسۋشىلارىندا تىيىم سالىنعان زاتتاردىڭ (سمارتفونداردىڭ، شپارگالكالاردىڭ جانە باسقا دا قۇرىلعىلاردىڭ) بار- جوعى تەكسەرىلمەيتىن. وكىنىشكە وراي، كەيبىر ارىپتەستەرىمىز ءبىزدىڭ كورسەتكەن قۇرمەتىمىزدى السىزدىككە تەڭەپ، تىيىم سالىنعان زاتتاردى جاپپاي قولدانا باستادى»، - دەپ جازدى د. سماعۇلوۆ Facebook جەلىسىندە.

ونىڭ ايتۋىنشا، 2020 -جىلى ەرەجەنى بۇزعان 1202 مۇعالىم انىقتالسا، 2021 -جىلدىڭ 19 كۇنىندە عانا بۇل كورسەتكىش 349-عا دەيىن وسكەن.

«سونىمەن بىرگە ميكروقۇلاققاپتار مەن ميكروفونداردى قولدانۋدىڭ جاپپاي فاكتىلەرى انىقتالدى، نەگىزىنەن ولاردىڭ تارالىمى شەكتەۋلى جانە پايدالانۋى ءۇشىن قىلمىستىق باپ قاراستىرىلعان. وسى فاكتىلەردى ەسكەرىپ، بۇگىن ق ر ءبىلىم جانە عىلىم مينيسترلىگىنىڭ اپپاراتتىق جينالىسىندا ۇلتتىق بىلىكتىلىك تەستىلەۋدى تاپسىرۋ كەزىندە مۇعالىمدەردى تەكسەرۋدى ەنگىزۋ قاجەتتىگىن ايتتىم. سەنە وتىرا، تەكسەرۋدى دە ۇمىتپاۋ ءادىسى الدەقايدا جاقسى جۇمىس ىستەيدى»، - دەيدى د. سماعۇلوۆ.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات