قىتايدان كەلگەن قازاقتارعا جالعان قۇجات جاساعان توپ انىقتالدى
نۇر-سۇلتان. قازاقپارات - الماتى وبلىسىندا جالعان قۇجات جاساعان توپ انىقتالدى.
ولار قىتايدان كەلگەن ازاماتتارعا قازاقستاندا الەۋمەتتىك جانە زەينەتاقى تولەمدەرىن الۋعا قۇقىق بەرەتىن قۇجات دايىنداعان.
«الماتى وبلىسى بويىنشا ەكونوميكالىق تەرگەۋ دەپارتامەنتى ەڭبەكشىقازاق اۋدانى پروكۋراتۋراسىمەن بىرلەسىپ، جەدەل- ىزدەستىرۋ شاراسى بارىسىندا قىتاي حالىق رەسپۋبليكاسىنان كەلگەن قازاقستان رەسپۋبليكاسى ازاماتتارىنا الەۋمەتتىك جانە زەينەتاقى تولەمدەرىن الۋعا قۇقىق بەرەتىن جالعان قۇجات دايىنداۋمەن جانە وتكىزۋمەن اينالىساتىن توپتى انىقتادى»، - دەلىنگەن قارجىلىق مونيتورينگ اگەنتتىگىنىڭ اقپاراتىندا.
تەكسەرۋ بارىسىندا قىتاي حالىق رەسپۋبليكاسىنىڭ ءارتۇرلى ۇيىمىنىڭ ءمورى، نوتاريۋستىڭ ءمورى مەن قولى قويىلعان بلانكىلەر، قاعاز كەسۋگە ارنالعان ستانوك جانە ءارتۇرلى جالعان قۇجاتتار (ەڭبەك كىتاپشاسى، تۋۋ تۋرالى كۋالىك جانە نەكە تۋرالى كۋالىك) جاسالعان باسقا دا زاتتار تابىلدى جانە قولدانىستان شىعارىلدى. اتالعان فاكتى بويىنشا تەرگەۋ امالدارى جۇرگىزىلىپ جاتىر.
مالىمەت كوزى: jasqazaq.kz
- ەلوردادا «ءشامشى» ميۋزيكلى كورەرمەن نازارىنا ۇسىنىلدى
- 3- ناۋرىز كۇنى بولاتىن ماڭىزدى شارالار اڭداتپاسى
- ادام ەسىمىن ەستە ساقتاۋدىڭ وڭاي جولدارى
- فۋتبول ويناي الماعانى ءۇشىن سىنىپتاستارىنىڭ كەلەمەجدەۋىنە ۇشىراعان جاسوسپىرىم وزىنە قول سالدى
-
ەلوردا مۇعالىمدەرى ۆاكسينا سالدىرعاننان كەيىنگى جاعدايىن ايتتى
-
ەندى 1-5-سىنىپ وقۋشىلارى ارالاس فورماتتا وقۋعا كوشىرىلدى
