ق ر پرەزيدەنتى ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى
«تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقبايەۆ پرەزيدەنتكە ءوزى باسقارىپ وتىرعان ورتالىقتىڭ جۇمىسى تۋرالى ايتتى، سونداي- اق، وتاندىق اناليتيكالىق ورتالىقتاردى دامىتۋ جونىندەگى ۇسىنىستارىن ورتاعا سالدى.
بۇدان بولەك مەملەكەت باسشىسىنا جاھاندىق كومپانيالارمەن اراداعى ىنتىماقتاستىقتىڭ نەگىزىندە ينۆەستيتسيا تارتۋ جولدارىن، سونداي-اق، اقشا- كرەديت ساياساتىن جەتىلدىرۋگە باعىتتالعان ۇسىنىستار تانىستىرىلدى.
Atameken Business تەلەارناسىنىڭ باس ديرەكتورى قانات ساحاريانوۆپەن اڭگىمەلەسۋ بارىسىندا قازاقستاندىق بۇقارالىق اقپارات قۇرالدارىنىڭ باسەكەگە قابىلەتتىلىگىن نىعايتۋ، اقپاراتتىق ساياسات سالاسىن رەتتەيتىن زاڭنامانى دامىتۋ ماسەلەلەرى قاراستىرىلدى. قاسىم-جومارت توقايەۆ مەملەكەتتىڭ وتاندىق ماسس-مەدياعا قولداۋ كورسەتە بەرەتىنىنە توقتالىپ، كونتەنت ساپاسىن ارتتىرۋ جانە قازاق ءتىلدى ب ا ق-تىڭ باسەكەگە قابىلەتتىلىگىن كۇشەيتۋ قاجەتتىگىن ايتتى.
