قاراعاندى فارماتسەۆتيكا كەشەنى «سپۋتنيك ۆ» ۆاكسيناسىنىڭ ونەركاسىپتىك پارتياسىن شىعاردى
«مەملەكەت باسشىسىنىڭ تاپسىرماسىنا سايكەس، وتاندىق فارماتسەۆتيكالىق كەشەندە ۆاكسينانىڭ ونەركاسىپتىك ءوندىرىسى قىسقا مەرزىمدە جولعا قويىلدى. بۇگىن قازاقستاننىڭ بارلىق وڭىرىنە «گام- كوۆيد- گاك» ۆاكسيناسىنىڭ 90 مىڭ دوزاسى جونەلتىلەدى. 2021 -جىلعى ناۋرىزدا 150 مىڭ دوزاسىن ءوندىرۋ جوسپارلانىپ وتىر، ال ءساۋىر ايىنان باستاپ 600 مىڭ دوزاعا دەيىن جەتكىزىلەدى. وسىلايشا، حالىقتى جوسپارلى تۇردە COVID-19-عا قارسى ۆاكسينامەن جەتكىلىكتى مولشەردە قامتاماسىز ەتەمىز»، - دەدى ۆيتسە- پرەمەر ە. توعجانوۆ.
«س ق- فارماتسيا» ج ش س مەن رەسەي تىكەلەي ينۆەستيتسيالار قورى (ر ف ت ي ق) اراسىندا جاسالعان ءوزارا تۇسىنىستىك تۋرالى كەلىسىم اياسىندا 2 ميلليون استام دوزا جەتكىزۋ، پرەپارات سىناقتىڭ بارلىق ساتىسىنان وتكەننەن كەيىن ونى 5 ميلليون دوزاعا دەيىن ارتتىرۋ جوسپارلانۋدا. ەستەرىڭىزگە سالا كەتەيىك، 2020 -جىلعى 11-قاراشادا ق ر پرەزيدەنتى قاسىم-جومارت توقايەۆ پەن رف پرەزيدەنتى ۆلاديمير پۋتين تەلەفون ارقىلى سويلەسكەندە پاندەميامەن كۇرەستە ىنتىماقتاستىقتى جانداندىرۋدى، سونىڭ ىشىندە قر اۋماعىندا بىرلەسىپ ۆاكسينا ءوندىرىسىن ۇيىمداستىرۋ جونىندەگى جوسپارلاردى تالقىلادى.
«ق ر دەنساۋلىق ساقتاۋ مينيسترلىگى جۇمىس توبىن قۇردى، ونىڭ قۇرامىنا ق ر د س م، رفتيق بەيىندى ۆەدومستۆولارىنىڭ باسشىلارى جانە ق ف ك ماماندارى كىردى. قىسقا مەرزىمدە تەحنولوگيا ترانسفەرى جۇرگىزىلىپ، ءوندىرىستى دايىنداپ، قىزمەتكەرلەردى وقىتتىق. بۇگىن قازاقستان رەسپۋبليكاسىندا «سپۋتنيك V» ۆاكسيناسىنىڭ تولىققاندى ءوندىرىسىن ىسكە قوسامىز»، - دەدى ا. سوي.
«بىزگە قىسقا مەرزىمدە رەسەيلىك «سپۋتنيك V» ۆاكسيناسىنىڭ ءوندىرىسىن باستاۋ مىندەتى قويىلدى. ق ر دەنساۋلىق ساقتاۋ مينيسترلىگى 4-جەلتوقساندا تەحنولوگيا يەسى – ر ف- نىڭ «رەسەي تىكەلەي ينۆەستيتسيالار قورى» مەملەكەتتىك كومپانياسىمەن ىنتىماقتاستىق تۋرالى كەلىسىمگە قول قويدى جانە 13-جەلتوقساندا بىزگە دايىن ءونىمنىڭ ۆاليداتسيالىق سەريالارىن وڭدەۋگە ارنالعان سۋبستانتسيا بەردى»، - دەدى ق ف ك باس ديرەكتورى سەرگەي بارون.
2020 -جىلعى 4-جەلتوقساندا ر ف ت ي ق ق ر دەنساۋلىق ساقتاۋ مينيسترلىگىمەن ىنتىماقتاستىق تۋرالى كەلىسىم جاسادى جانە 2020 -جىلعى 13-جەلتوقساندا «قاراعاندى فارماتسەۆتيكا كەشەنى» ج ش س پرەپاراتتىڭ تاجىريبەلىك سەرياسىن ءوندىرۋ ءۇشىن 6 مىڭ دوزا كولەمىندە سۋبستانسيا الدى. 2020 -جىلدىڭ 24-جەلتوقسانىنان 2021 -جىلدىڭ 21-قاڭتارىنا دەيىن ۆاكسينا ن. ف. گامالەيا اتىنداعى ورتالىقتا بىرنەشە رەت ساپا بويىنشا سىناقتان ءوتىپ، 2021 -جىلدىڭ 15-اقپانىندا ول ق ر- دا تىركەلدى.