بەرىك ءۋالي پرەزيدەنت تاپسىرمالارى جايىندا: ايتىلدى، ورىندالدى
ق ر پرەزيدەنتى قاسىم-جومارت توقايەۆ وتكەن جىلى قازاقستان حالقىنا جولداۋىندا: «حالىققا ەلەكتروندى سەرۆيستەردى پايدالانۋعا قولايلى جاعداي جاساپ، مەملەكەتتىك قىزەت كورسەتۋ ىسىندە دە، جەكە سەكتوردا دا بيومەتريانى قولدانۋدىڭ ناقتى شارالارىن قابىلداعان ءجون»، - دەپ ناقتى تاپسىرما بەرگەن بولاتىن.
بۇگىندە وسى تاپسىرمانى جۇزەگە اسىرۋ اياسىندا موبيلدىك ازاماتتار بازاسىندا تىركەلگەن نومىرگە ءبىرجولعى حابارلاما تۇرىندە قۇپيا ءسوزدى جولداۋ ارقىلى قىزمەتتەرگەقول قويۋ تەتىگى ىسكە اسىرىلدى. قازىرگى ۋاقىتتا ءبىرجولعى حابارلاما تۇرىندەگى قۇپيا ءسوز ارقىلى قول قويىپ، 120 دان استام مەملەكەتتىك قىزمەت ءتۇرىن جانە سەرۆيس الۋعا بولادى. Egov پورتالىندا QR- كود ارقىلى مەملەكەتتىك قىزمەتتەرگە قول قويۋ قىزمەتى ىسكە قوسىلدى. ادامنىڭ بەت- الپەتىن بيومەتريالىق سايكەستەندىرۋ ارقىلى قاشىقتان ەتسق الۋدىڭ پيلوتتىق جوباسى ازىرلەنىپ، ىسكە قوسىلدى. قىزمەتتىڭ وسى ءتۇرى ىسكە قوسىلعالى بەرى جەكە جانە زاڭدى تۇلعالار ءۇشىن 2,3 ميلليوننان استام ەتسق شىعارىلدى. سونىمەن قاتار مەملەكەت باسشىسى جەكە كۋالىكتەر، ديپلومدار مەن جۇرگىزۋشى كۋالىكتەرىنىڭ ەلەكتروندىق نۇقاسىن ەنگىزۋ جانە مەملەكەتتىك ورگانداردىڭ جۇمىسىن سيفرلاندىرۋ پروتسەستەرىن قامتاماسىز ەتۋ كەرەكتىگىن تاپسىرعان بولاتىن اتالعان تاپسىرما اياسىندا قازىرگى ۋاقىتتا eGov mobile موبيلدى قوسىمشاسىندا كەلەسى قۇجاتتاردىڭ سيفرلىق نۇسقاسى قولجەتىمدى.
- جەكە كۋالىك،
- جۇرگىزۋشى كۋالىگى،
- تۋۋ تۋرالى كۋالىك،
- نەكە قيۋ كۋالىگى،
- اتى-ءجونىن، اكەسىنىڭ اتىن وزگەرتۋ تۋرالى كۋالىك،
- نەكە بۇزۋ تۋرالى كۋالىك،
- ەلەكتروندى تەحنيكالىق قۇجات،
- پ ت ر تالداماسىنىڭ ناتيجەلەرى،
- ستۋدەنت بيلەتى،
- ءبىلىم العانى تۋرالى ديپلوم. سيفرلىق قۇجاتتار قاعاز تۇرىندەگى ءتۇپنۇسقانىڭ ەلەكتروندىق نۇسقاسى جانە QR- كود تۇرىندە جاسالادى.
اۆتور: مارلان جيەمباي