ەلىمىزدە جەكە مەنشىك ۋنيۆەرسيتەتتە ءبىلىم الۋشىلاردىڭ سانى وسۋدە

None
None
نۇر-سۇلتان. قازاقپارات - 2016-2020 -جىلدار ارالىعىندا جەكە مەنشىك ۋنيۆەرسيتەتتە ءبىلىم الۋشىلاردىڭ سانى %53,8 وسكەن.

بۇل تۋرالى ق ر ءبىلىم جانە عىلىم مينيسترلىگى وتكىزگەن جيىندا ايتىلدى، دەپ حابارلايدى قازاقپارات ءتىلشىسى.

«قازىرگى ۋاقىتتا ەلىمىزدە جالپى 127 جوعارى وقۋ ورنى بار، ونىڭ ىشىندە 70 جەكە مەنشىك. جالپى ءبىلىم الۋشىلاردىڭ سانى 624263 ادامدى قۇرايدى. قازىرگى ۋاقىتتا جوعارى وقۋ ورىندارىنىڭ %55 ى جەكە مەنشىك ۇيىمدار. ولاردا 391309 ادام وقۋدا (47 421-ى مەملەكەتتىك تاپسىرىس بويىنشا)»، - دەيدى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ. ونىڭ ايتۋىنشا، جەكە مەنشىك ۋنيۆەرسيتەتتەردەگى ءبىلىم الۋشىلاردىڭ سانىنىڭ جىل سايىن ءوسۋى بايقالادى. مىسالى، 2016-2020 -جىلدار ارالىعىندا %53,8 وسكەن.

«اتاپ ايتقاندا، كونتينگەنتى ەڭ كوپ جەكە مەنشىك جوعارى وقۋ ورىندارى: شىمكەنت ۋنيۆەرسيتەتى - 15527، قازاقستان ينجەنەرلىك- پەداگوگيكالىق حالىقتار دوستىعى ۋنيۆەرسيتەتى - 12717، «SilkWay» ۋنيۆەرسيتەتى - 9320 جانە ولاردىڭ بارلىعى ءبىر وڭىردە ورنالاسقانىن ەسكەرۋ قاجەت. ياعني، ءىس جۇزىندە ءبىرقاتار جەكەمەنشىك ۋنيۆەرسيتەتتەردى ءوز كونتينگەنتى بويىنشا ءال- فارابي اتىنداعى قاز ۇ ۋ، ل. گۋميلەۆ اتىنداعى ە ۇ ۋ سياقتى ۇلتتىق ۋنيۆەرسيتەتتەرمەن سالىستىرۋعا بولادى. 2030 -جىلعا قاراي ج و و تۇلەكتەرى ەكى ەسەگە كوبەيىپ، سانى 301602 ادامعا جەتەدى دەپ كۇتىلۋدە»، - دەيدى ول.

اۆتور: زارينا قاھارمان

سوڭعى جاڭالىقتار