+7 (701) 759 90 19
-18 °С : نۇر-سۇلتان
1 °С : الماتى
USD 420.65 EUR 505.03
RUB 5.64 CNY 65.01
جاڭالىقتار

ەلوردا تۇرعىنى ءوز كولىگىن ايداپ كەتىپ، پوليتسياعا ارىزدانعان

23 اقپان 13:15
:ءبولىسۋ
ەلوردا تۇرعىنى ءوز كولىگىن ايداپ كەتىپ، پوليتسياعا ارىزدانعان

نۇر-سۇلتان. قازاقپارات - ەلوردا پوليتسياسى ءوز كولىگىن ايداپ اكەتۋدى ۇيىمداستىرعان ازاماتتى ۇستادى، دەپ حابارلايدى قازاقپارات ءتىلشىسى.

«102» كانالىنا ەلوردا تۇرعىنى جۇگىنىپ، وتكەن جىلى اۆتوسالوننان كرەديتكە العان «Toyota RAV 4» ماركالى قىمبات كولىگىن بەلگىسىز ادامنىڭ ايداپ كەتكەنى جايىندا حابارلادى. ايداپ اكەتۋ فاكتىسى بەينەباقىلاۋ كامەراسىنا ءتۇسىپ قالعان.

وندا بەلگىسىز ادام «جاستار» سارايى ماڭىنداعى تۇراقتان كولىكتى ايداپ اكەتىپ، قالادان تىس شىعىپ كەتكەن بايقالادى. جەدەل ىزدەستىرۋ ءىس- شاراسى بارىسىندا 53 جاستاعى زارداپ شەگۋشىنىڭ ساقتاندىرۋ تولەماقىسىن الۋ جانە كرەديت تولەۋدەن جالتارۋ ماقساتىندا ماشيناسىن ايداپ اكەتۋدى ۇيىمداستىرعان. قىلمستىق جوسپارىن الدىن الا ويلاستىرعان ول ءبىر تانىسىنا كولىكتى ايداپ اكەتكەنى ءۇشىن اقشالاي سىياقى بەرۋگە ۋادە ەتكەن»، - دەلىنگەن نۇر-سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنەن.

كولىكتى ايداپ اكەتكەن ادام ونى الماتى وبلىسى اۋماعىندا بەلگىسىز ادامعا ساتىپ جىبەرگەن. قازىرگى ۋاقىتتا كولىكتى ايداپ اكەتكەن ادام ۇستالىپ، جاساعان ارەكەتىن مويىنداپ وتىر. ال كولىگىن قاساقانا ۇرلاتقان ازاماتتىڭ ۇستىنەن جالعان شاعىم جاساعانى ءۇشىن قىلمىستىق ءىس قوزعالدى. تەرگەۋ جۇرگىزىلىپ جاتىر. وسىعان وراي نۇر-سۇلتان قالالىق پوليتسيا دەپارتامەنتى قاساقانا جالعان شاعىم جاساۋ 7 جىلعا دەيىن باس بوستاندىعىنا ايىرۋ جازاسىنا تارتىلۋعا اكەپ سوعاتىندىعىن ەسكەرتەدى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات