قور بيرجاسىندا دوللار ارزانداپ، تەڭگە نىعايدى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا تەڭگەنىڭ 1 دوللارعا قاتىستى باعامى تاعى ارزاندادى، دەپ حابارلايدى قازاقپارات ءتىلشىسى.

ساۋدا- ساتتىق مالىمەتتەرىنە قاراعاندا، دوللار باعامى 22-اقپان كەشىمەن سالىستىرعاندا 1,47 تەڭگەگە قۇلدىراپ، 1 دوللاردىڭ قۇنى 415,05 تەڭگە بولعان.

Kurs.kz مالىمەتىنشە، بۇگىن الماتىداعى اقشا ايىرباستاۋ پۋنكتتەرىندە دوللار 414,61 تەڭگەدەن ساتىلسا، ال ساتىپ الۋ - 416,23 تەڭگە. نۇر-سۇلتانداعى اقشا ايىرباستاۋ پۋنكتتەرىندە دوللار 414,77 تەڭگەدەن ساتىلىپ جاتىر، ساتىپ الۋ قۇنى - 415,97 تەڭگە.

ايتا كەتەيىك، ا ق ش دوللارى بىرنەشە كۇن قاتارىنان تومەندەپ جاتىر. كەشە 22-اقپان كۇنى قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا تەڭگەنىڭ 1 دوللارعا قاتىستى باعامى 0,97 تەڭگەگە قۇلدىراپ، 1 دوللاردىڭ قۇنى 416,87 تەڭگە بولعان.