+7 (701) 759 90 19
-18 °С : نۇر-سۇلتان
1 °С : الماتى
USD 419.45 EUR 504.64
RUB 5.68 CNY 64.88
جاڭالىقتار

ۇكىمەت كاسىپكەرلىكتى دامىتۋ تۇجىرىمداماسىن ازىرلەيدى

23 اقپان 10:43
:ءبولىسۋ
ۇكىمەت كاسىپكەرلىكتى دامىتۋ تۇجىرىمداماسىن ازىرلەيدى

نۇر-سۇلتان. قازاقپارات - ۇكىمەت ەلىمىزدە بيزنەستى جۇرگىزۋ جانە دامىتۋ ءۇشىن قولايلى جاعدايلار جاساۋعا باعىتتالعان كاسىپكەرلىكتى دامىتۋ تۇجىرىمداماسىن ازىرلەيدى.

بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى اسەت ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.

«ينۆەستيتسيالاردى ماقساتتى تۇردە تارتۋ شەڭبەرىندە جاڭا ينۆەستيتسيالىق تسيكلدى ىسكە قوسۋ ءۇشىن قوسىلعان قۇن تىزبەگىنىڭ ءاربىر كەزەڭىندە كاپيتال ۇستاۋشىلارمەن تىكەلەي جۇمىس جۇزەگە اسىرىلادى. تولەم بالانسىنىڭ تەڭدەستىرىلگەنىن قولداۋعا باعىتتالعان الدىن-الا سىرتقى ساۋدا ساياساتىن جۇرگىزۋگە قامتاماسىز ەتەدى. ۇكىمەت ەلىمىزدە بيزنەستى جۇرگىزۋ جانە دامىتۋ ءۇشىن قولايلى جاعدايلار جاساۋعا باعىتتالعان كاسىپكەرلىكتى دامىتۋ تۇجىرىمداماسىن ازىرلەيتىن بولادى. كاسىپكەرلىك قىزمەتتى ىنتالاندىرۋ ءۇشىن شۇعىل شارالار پاكەتى شەڭبەرىندە ۇكىمەت بيزنەس سۋبەكتىلەرىنە اكىمشىلىك جۇكتەمەنى ازايتۋدى كوزدەيتىن رەتتەۋ ساياساتىن تۇبەگەيلى وڭايلاتۋدى ۇيعارىپ وتىر»، - دەدى اسەت ەرعاليەۆ ماكروەكونوميكالىق ساياسات شارالارىن ۇيلەستىرۋ تۋرالى كەلىسىمدى تانىستىرۋ كەزىندە.

ونىڭ ايتۋىنشا سالىق-بيۋجەت ساياساتىنىڭ باستى ماقساتى - ۇلتتىق قور قاراجاتىن پايدالانۋدى قىسقارتۋ، مۇنايسىز سەكتوردان تۇسەتىن كىرىستەردىڭ ءوسۋىن ىنتالاندىرۋ جانە بيۋجەت شىعىستارىنىڭ تيىمدىلىگىن ارتتىرۋ ەسەبىنەن مۇنايسىز تاپشىلىقتى ازايتۋ.

جوسپارلانعان بارلىق شارانى ىسكە اسىرۋدىڭ ناتيجەسى 2023-جىلعا قاراي Nur Otan پارتياسىنىڭ «وزگەرۋ جولى: بارلىعىنا لايىقتى ءومىر!» سايلاۋالدى باعدارلاماسىن ورىنداۋ جونىندەگى جول كارتاسىندا كوزدەلگەن ينديكاتورلارعا قول جەتكىزەتىن جەتىستىگى بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات