+7 (701) 759 90 19
-18 °С : نۇر-سۇلتان
1 °С : الماتى
USD 419.45 EUR 504.64
RUB 5.68 CNY 64.88
جاڭالىقتار

ەلوردالىق وقۋشىلار ءبىر جىل بويى تەاترعا تەگىن بارادى

23 اقپان 09:13
:ءبولىسۋ
ەلوردالىق وقۋشىلار ءبىر جىل بويى تەاترعا تەگىن بارادى

نۇر-سۇلتان. قازاقپارات - ەلوردادا بيىلدان باستاپ «بالالار مەن تەاتر» جوباسى باستاۋ الدى.

جوباعا ءا. مامبەتوۆ اتىنداعى دراما جانە كومەديا تەاترى («Nomad» تەاترى) اتسالىسادى، دەپ حابارلايدى قازاقپارات.

قالا اكىمدىگىنەن ءمالىم ەتكەندەي، «وقۋشىلارمەن بايلانىس» جوباسى بويىنشا كەستە جاسالدى. وعان سايكەس ءار وقۋشى جاس ساناتىن ەسكەرە وتىرىپ، سپەكتاكلگە تەگىن بارا الادى. تەاترلارعا بارۋ اپتاسىنا ەكى رەت وتكىزىلەدى جانە بالالار دەمالاتىن جازعى ايلاردى ەسەپكە الماعاندا، جىلدىڭ سوڭىنا دەيىن جالعاسادى.

جاس كورەرمەندەر تەاتردا «جاس اباي» دراماسىن، «ماۋگلي» ەرتەگىسىن تاماشالاي الادى. ۇلى ابايدىڭ 175 جىلدىق مەرەيتويىنا وراي ساحنالاناتىن «جاس اباي» دراماسىندا اقىننىڭ جالىندى جاستىق شاعى، تۋىسقاندىق قارىم-قاتىناسى، ماحاببات حيكاياسى بەينەلەنەدى.

سپەكتاكلدە اقىننىڭ تانىمال پوەزياسى مەن ولەڭدەرىنە جازىلعان بەلگىلى اندەرى شىرقالادى. درامادا العاش رەت اقىننىڭ قارىنداسى كامشاتتىڭ ءولىمى قوزعالادى. سونىمەن قوسا جاس ابايدىڭ ۇلكەندەردىڭ ىسىنە العاش ارالاسا باستاعان كەزى دە سومدالادى.

ال ر. كيپلينگتىڭ اتاقتى «دجۋنگلي كىتابى» دۇنيە جۇزىنە بەلگىلى. ماۋگلي ەسىمدى بالاقايدىڭ باستان كەشكەن وقيعالارى، ونىڭ جاقىندارى مەن جالعىز دۇشپانى كورىنىس تابادى.

ايتا كەتەيىك، ەلوردا وقۋشىلارىنا ارنالعان قويىلىمدار «Nomad city Hall» ساحناسىندا وتەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات