ەلوردادا بيىل جاڭا امفيتەاتر اشىلادى
نۇر-سۇلتان. قازاقپارات - ەلوردادا بيىل جاڭا امفيتەاتر اشىلادى، دەپ حابارلايدى قازاقپارات قالانىڭ ۋربانيستيكا ورتالىعىنا سىلتەمە جاساپ.
«بيىل قالا تۇرعىندارىنىڭ ءوتىنىشى بويىنشا پرەزيدەنت ساياباعىندا جاڭا امفيتەاتر پايدا بولادى. امفيتەاتر ءبي قويىلىمدارىن، سپەكتاكلدەردى، كونسەرتتەردى جانە اشىق اۋادا ءتۇرلى قالالىق ءىس-شارالاردى وتكىزۋگە ارنالعان الاڭ بولادى. ءبىز كاسكاد ساتى جۇيەسىن قولدانىستاعى رەلەفكە بىرىكتىرۋدى جانە اعىن تىكەلەي ساحناعا وتەتىن شاتىر قۇرىلىمىمەن جابۋدى جوسپارلاپ وتىرمىز. ساحنا الاڭى كوشە بيلەرىن وتكىزۋگە بەيىمدەلەدى. بىزدە ءبي ستۋديالارى جانە چيرليدينگ فەدەراتسياسىمەن كەلىسىم بار، ولار ءبي ۇيىرمەلەرى مەن جارىستارعا ارنالعان الاڭدى پايدالانادى»، دەلىنگەن ورتالىقتىڭ Instagram-داعى پاراقشاسىندا.
ورتالىق امفيتەاتر حالىقتىڭ ەموتسياسىن جانە الەۋمەتتىك بايلانىسىن تولتىراتىن ورىنعا اينالاتىنىنا سەنىمدى.
ايتا كەتەيىك، 20- اقپاندا قالا اكىمى التاي كولگىنوۆ بيىل ەلوردادا جۇرت قىزىعارلىق جاڭا ورىندار اشىلاتىنىن جاريالاعان ەدى.
- نۇر-سۇلتاندا اليمەنت تولەمەي جۇرگەن بورىشكەردىڭ دجيپى تاركىلەندى
- بۇگىن ەلوردا مەن اقمولا وبلىسىنىڭ وقۋشىلارى قاشىقتان وقيدى
- قاۋىپسىز قالا: استانادا بەينەباقىلاۋدىڭ ارقاسىندا قىلمىس كولەمى %30 ازايدى
- استانادا ءبىرقاتار قالاماڭى اۆتوبۋسىنىڭ قوزعالىسى توقتاتىلدى
-
ەلوردادا اياز: ءبىرىنشى اۋىسىمداعى وقۋشىلار ونلاين وقيدى
-
ەلوردالىق وقۋشىلار ءبىر جىل بويى تەاترعا تەگىن بارادى
