+7 (701) 759 90 19
-18 °С : نۇر-سۇلتان
1 °С : الماتى
USD 419.45 EUR 504.64
RUB 5.68 CNY 64.88
جاڭالىقتار

تۇركى اكادەمياسى انكارادا بىلگە تونىكوك جازبا ەسكەرتكىشىنىڭ كوشىرمەسىن ورناتتى

23 اقپان 07:41
:ءبولىسۋ
تۇركى اكادەمياسى انكارادا بىلگە تونىكوك جازبا ەسكەرتكىشىنىڭ كوشىرمەسىن ورناتتى

انكارا. قازاقپارات - حالىقارالىق تۇركى اكادەمياسى انكارادا اشىلعان «تۇركى الەمى: تونىكوك ساياباعى» اۋماعىنا بىلگە تونىكوك جازبا ەسكەرتكىشىنىڭ كوشىرمەسىن ورناتتى، دەپ حابارلايدى قازاقپارات حالىقارالىق ۇيىمنىڭ سايتىنا سىلتەمە جاساپ.

تاريحي ماڭىزى زور ەسكەرتكىشتىڭ رەسمي اشىلۋ سالتاناتىنا تۇركيا ۇلى ۇلتتىق ءماجىلىسىنىڭ ءتوراعاسى مۇستافا شەنتوپ، حالىقارالىق تۇركى اكادەمياسىنىڭ پرەزيدەنتى دارحان قىدىرالى، تۇركسوي ۇيىمىنىڭ باس حاتشىسى دۇيسەن قاسەيىنوۆ، انكارا قالاسى التىنداع اۋدانىنىڭ مەرى اسىم بالجى، سونىمەن قاتار ءبىرقاتار حالىقارالىق ۇيىم باسشىلارى، تۇركيانىڭ بەلگىلى مەملەكەت جانە قوعام قايراتكەرلەرى قاتىستى.

تۇركيا استاناسىنىڭ ورتالىق اۋدانىندا ورنالاسقان ساياباق اۋماعىنا موڭعولياداعى ورحون وزەنىنىڭ بويىنداعى VIII عاسىرعا جاتاتىن تونىكوك جازبا ەسكەرتكىشىنىڭ حالىقارالىق تۇركى اكادەمياسى ازىرلەگەن دالمە-ءدال كوشىرمەسى قويىلدى.

وسىلايشا حالىقارالىق تۇركى اكادەمياسى مەن التىنداع اۋدانىنىڭ مەرياسى «تۇرىك ءتىلى جىلىنا» جانە يۋنەسكو اياسىندا اتاپ وتىلگەن تونىكوك ەسكەرتكىشىنىڭ 1300 جىلدىق مەرەيتويىنا ارنالعان ماڭىزدى شاراعا ۇيىتقى بولدى.

ەسكەرتكىشتىڭ سالتاناتتى اشىلۋ راسىمىنە قاتىسىپ، ءسوز سويلەگەن تۇركى اكادەمياسىنىڭ پرەزيدەنتى دارحان ءقىدىرالى: «وتكەن جىل تونىكوك ەسكەرتكىشىنىڭ 1300 جىلدىق مەرەيتويىنا وراي تۇركى الەمىنىڭ ورتاق ۇيىمى حالىقارالىق تۇركى اكادەمياسىنىڭ باستاماسىمەن «بىلگە تونىكوك جىلى» دەپ جاريالانعان بولاتىن.

تونىكوك جىلى اياسىندا يۋنەسكو- مەن بىرلەسە وتىرىپ ۇيىمداستىرعان كوپتەگەن ءىس-شارالار ەندى.

وسى باياندى باستاما «تۇركى الەمى: تونىكوك ساياباعىنىڭ» اشىلۋىمەن ماعىنالى جالعاسىن تاپتى دەۋگە بولادى. اتالعان باستامانىڭ تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان مىرزانىڭ قاۋلىسىمەن جاريالانعان «تۇرىك ءتىلى جىلىنا» تۇسپا-تۇس كەلۋى دە ايرىقشا ماڭىزدى.

تونىكوك ەسكەرتكىشىن انكارا قالاسىندا ورناتۋ جوباسىنا قولداۋ كورسەتكەن التىنداع اۋدانىنىڭ مەرى اسىم بالجى مىرزاعا جانە اشىلۋ سالتاناتىنا ارنايى كەلىپ قاتىسقان تۇركيا ۇلتتىق ءماجىلىسىنىڭ ءتوراعاسى مۇستافا شەنتوپ مىرزاعا شىن جۇرەكتەن العىسىمدى بىلدىرەمىن. ەندى انكارالىقتار وتۇكەنگە بارماي-اق ابىز تونىكوك ەسكەرتكىشىن ءوز قالاسىندا كورە الادى»، - دەپ اتاپ ءوتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات