انكارادا تۇركى تىلدەس ەلدەردىڭ ىنتىماقتاستىعى تالقىلاندى
كەزدەسۋدە تۇركى تىلدەس مەملەكەتتەردىڭ ىنتىماقتاستىعى جان جاقتى تالقىلاندى. اتاپ ايتقاندا تۇركى كەڭەسىنىڭ تۇركى تىلدەس ەلدەردىڭ ينتەگراتسياسىنداعى ايرىقشا رولىنە توقتالدى. سونداي- اق، الدىمىزداعى ۋاقىتتا ءتۇبى ءبىر تۇركى جۇرتىنىڭ رۋحاني بەسىگى - تۇركىستاندا وتكىزىلۋى جوسپارلانعان تۇركى كەڭەسىنىڭ بەيرەسمي ءسامميتى ەگجەي- تەگجەيلى تالقىعا سالىندى. بۇدان بولەك، قازاقستان مەن تۇركيا اراسىنداعى ەكىجاقتى ىنتىماقتاستىقتىڭ ستراتەگيالىق ماڭىزدىلىعى اتالىپ، كۇن تارتىبىندەگى وزەكتى ماسەلەلەر بويىنشا پىكىر الماسىلدى. اسىرەسە، ساياسي، ساۋدا- ەكونوميكالىق، ينۆەستيتسيالىق جانە تاعى باسقا سالالارداعى ىقپالداستىقتىڭ ءتيىمدى تەتىكتەرى تالقىلانىپ، وسى باعىتتاعى جۇمىستاردى باۋىرلاس حالىقتاردىڭ يگىلىگى ءۇشىن بۇدان ءارى جالعاستىرۋ كەلىسىلدى.
سونىمەن قاتار، قازاقستان پرەمەر- ءمينيسترى اسقار مامين مەن تۇركيا ۆيتسە- پرەزيدەنتى فۋات وكتايدىڭ تەڭ ءتوراعالىعىنداعى ۇكىمەتارالىق ەكونوميكالىق كوميسسيانىڭ ءىس- شارالارى جوسپارىنىڭ ورىندالۋ بارىسى جانە الداعى ۋاقىتتا ونلاين فورماتتا وتەتىن باسقوسۋدىڭ كۇن ءتارتىبى تىلگە تيەك بولدى.