قازاقستان ب ۇ ۇ ادام قۇقىقتارى جونىندەگى كەڭەسىنىڭ وتىرىسىنا قاتىستى
ءىس- شاراعا ب ۇ ۇ- نىڭ ادام قۇقىقتارى جونىندەگى جوعارعى كوميسسارى ميشەل باچەلەت، 150 دەن استام ەلدىڭ ۇكىمەت باسشىلارى مەن مينيسترلەرى، سونداي- اق حالىقارالىق ۇيىمداردىڭ وكىلدەرى قاتىستى. م. تىلەۋبەردى ءوز سوزىندە تاۋەلسىزدىگىمىزدىڭ 30 جىلدىعىندا ەل دامۋىنىڭ نەگىزگى باسىمدىقتارىنىڭ ءبىرى تۇڭعىش پرەزيدەنت - ەلباسى نۇرسۇلتان نازاربايەۆتىڭ ادام قۇقىقتارى سالاسىنداعى ۇلتتىق جانە حالىقارالىق ستاندارتتاردى ساقتاۋعا ارنالعان باعىتى بولىپ قالا بەرەتىنىن اتاپ ءوتتى. سىرتقى ساياسي ۆەدومستۆوسىنىڭ باسشىسى قاتىسۋشىلاردى پرەزيدەنت قاسىم- جومارت توقايەۆتىڭ ادام قۇقىقتارىن قورعاۋ، دەموكراتيالىق قوعام قۇرۋ جانە «حالىق ۇنىنە قۇلاق اساتىن مەملەكەت» تۇجىرىمداماسىن ەنگىزۋ بولىگىندە باستاماشىلىق ەتكەن ساياسي رەفورمالار پاكەتىن ىسكە اسىرۋدىڭ تابىستى تاجىريبەسى تۋرالى حاباردار ەتتى.
اتاپ ايتقاندا، بەيبىت جيىندار تۋرالى جاڭا زاڭنىڭ قابىلدانۋى، جالا جابۋدى قىلمىستىق سيپاتتان ارىلتۋ، قىلمىستىق كودەكستىڭ جەكەلەگەن باپتارىن ىزگىلەندىرۋ، ايەلدەر مەن جاستار ءۇشىن %30 سايلاۋ كۆوتاسىن ەنگىزۋ، سونداي- اق قازاقستاننىڭ ءولىم جازاسىنىڭ كۇشىن جويۋ تۋرالى ەكىنشى فاكۋلتاتيۆتىك حاتتاماسىنا قوسىلۋى وزەكتى جەتىستىكتەر قاتارىندا اتاپ ءوتىلدى. م. تىلەۋبەردى قازاقستاننىڭ بەيبىتشىلىكتى، كەلىسىمدى نىعايتۋ جانە ادامنىڭ ىرگەلى قۇقىقتارىن قامتاماسىز ەتۋ بويىنشا ۇجىمدىق جاھاندىق كۇش- جىگەرگە بارىنشا ۇلەس قوسۋعا بەيىلدىلىگىن راستادى. وسىعان بايلانىستى ول قازاقستاننىڭ 2022-2024 -جىلدارعا ارنالعان ب ۇ ۇ ا ق ك مۇشەلىگىنە ءوتىنىمىن جاريالاپ، ونىڭ حالىقارالىق قوعامداستىقتىڭ تاراپىنان قولداۋىنا ءۇمىت ءبىلدىردى.
