الەمدە العاش رەت بيووتىنمەن جۇرەتىن پويىز قۇراستىرىلدى

None
None
نۇر-سۇلتان. قازاقپارات - ديزەل وتىنىنان باس تارتۋ باعدارلاماسى اياسىندا ۇلى بريتانياداعى پويىزداردى بيوگازبەن جۇرەتىن پويىزدارعا اۋىستىرۋ جوسپارلانىپ وتىر.

وسى جوسپار نەگىزىندە اعىلشىننىڭ Ultra Light Rail Partners كومپانياسى BioUltra دەپ اتالاتىن بيوگازبەن جۇرەتىن ەكولوگيالىق تازا پويىز جاساپ شىعاردى.

بارلىق قوقىس ادام پايداسىنا جۇمىس ىستەيدى

بيوگازدى قوزعالتقىشتار يدەياسى بۇرىننان بولعان. ءبىراق ونى ءتيىمدى جۇزەگە اسىرۋ ءالى دە تاجىريبە دەڭگەيىندە ەدى. Ultra Light Rail Partners بۇل يدەيانى العاشقىلاردىڭ ءبىرى بولىپ جۇزەگە اسىردى. پويىز تاماق قالدىعىنان قۋات الادى.

2020 -جىلدىڭ جازىندا Ultra Light Rail Partners كومپانياسى يننوۆاتسيالىق ۆاگونداردىڭ العاشقى سىناقتارىن وتكىزدى. ۇزىندىعى 20 مەترلىك جاڭا پويىز 120 جولاۋشىنى تاسىمالداي الادى جانە ساعاتىنا 80 ك م جىلدامدىقپەن جۇرە الادى.

ارينە، مۇنداي پويىزدار ۇلكەن جولاۋشىلار مەن جۇك پويىزدارىن جاقىن ارادا الماستىرا المايدى. ءبىراق قالا سىرتىنداعى ەلەكتر پويىزدارى مەن قالالىق ترامۆايلاردىڭ ورنىن باسا الادى. كوپتەگەن ەلدەردە «تاستاندى» تەمىرجولدار بار جانە ولار ەلەكترلەندىرىلمەگەن. بۇل جولدا جانارمايمەن قوزعالاتىن شاعىن پويىزدار جۇرەدى. BioUltra وسىنداي جەرلەرگە قولايلى.

ەكولوگيالىق دامۋدى Innovate UK مەملەكەتتىك اگەنتتىگى قولدايدى. Ultra Light Rail Partners كومپانياسى Long Marston-دا Innovate UK- ءتىڭ 500 مىڭ دوللارلىق مەملەكەتتىك گرانتىن الدى.

BioUltra پويىزى - ۇزىندىعى 20 م، سىيىمدىلىعى 120 جولاۋشى

پويىز ءيىسى جوق بيومەتان گازىمەن جۇرەدى. پويىزدىڭ سالماعى نەبارى 20 توننا جانە ديزەل بالامالارىنان ەكى ەسە جەڭىل. BioUltra-نىڭ بۇل جەڭىل ديزاينى رەلستەردى توزدىرىپ، تەحنيكالىق قىزمەت كورسەتۋ شىعىندارىن ازايتادى.

«ءبىز ۇلى بريتانيادا العاشقى بيومەتان پويىزىن جاساۋ جوباسىن ءساتتى اياقتاعانىمىزعا جانە Innovate UK ەكىنشى گرانتىن العانىمىزعا قۋانىشتىمىز. بۇل ىڭعايلى، زاماناۋي، سەنىمدى جانە قاۋىپسىز تەمىرجول تاسىمالىنا باعىتتالعان بيزنەستە كورسەتىلگەن زور سەنىم. ءبىز بولاشاقتا ۇلىبريتانياداعى ۇلكەندى- كىشىلى قالالارعا ءوز پويىزىمىزدى ۇسىنامىز. بۇل پويىز قورشاعان ورتاعا زيان تيگىزەتىن باسقا قوعامدىق كولىكتەردىڭ ورنىن باسادى»، - دەيدى BioUltra جوباسىنىڭ مەنەدجەرى بيەۆەرلي نيلسەن.

BioUltra پويىزىنىڭ جانارماي باگىنىڭ سىيىمدىلىعى 3200 شاقىرىم ارنالعان. ادام قالدىعىمەن جۇرەتىن جاڭا پويىزدى دامىتۋدىڭ بولاشاعى ايقىن – ۇلى بريتانيا ۇكىمەتى شاعىن قالالاردى ۇلتتىق تەمىرجول جۇيەسىنە قوسۋ ءۇشىن 650 ميلليون دوللار ءبولدى.

زاماناۋي ءومىر سالتىمەن ۇندەستىرىلىپ، ءار ۆاگوندا ۆيرۋسقا قارسى فۋنكتسيا - ۋلترافيولەت ساۋلەلەرى، مىس جابىنى، انتيسەپتيكتەر جانە مەديتسينالىق ماسكالار ورناتىلعان.

massaget.kz


سوڭعى جاڭالىقتار