بەيجىڭدە روبوتتار داياشىلارعا كومەككە كەلدى

نۇر-سۇلتان. قازاقپارات - بەيجىڭ قالاسىندا داياشىلارعا كومەككە روبوتتار كەلدى. كارانتيندىك شەكتەۋ شارالارىنا بايلانىستى تاعامدى ۇيگە جەتكىزۋ قىزمەتىنە سۇرانىس كوبەيگەن.

تۇسكەن تاپسىرىستاردى ورىنداپ ۇلگەرۋ ءۇشىن كەيبىر مەيرامحانا روبوتتاردىڭ كومەگىنە جۇگىنگەن. ناتيجەسىندە قوعامدىق تاماقتانۋ ورنىنىڭ بىرەۋى كۇنىنە 300 دەن اسا تاپسىرىستى ورىنداپ وتىر. مامانداردىڭ ايتۋىنشا، جاساندى ينتەلەكتتى قولدانۋ ۋاقىتتى ۇنەمدەۋگە مۇمكىندىك بەرەدى. سونداي- اق روبوتتار مەيرامحانادا وتىرعان قوناقتارعا دا قىزمەت كورسەتە الادى ەكەن.

ي مەنلين، مەيرامحانا مەنەدجەرى:

- توبەدە كەلۋشىلەردىڭ وتىرعان ورنىن انىقتايتىن ارنايى قۇرىلعىلار بەكىتىلگەن. روبوت كامەرا ارقىلى اقپارات الادى. الدىن- الا بەلگىلەنگەن جوسپارمەن عانا قوزعالادى. مىندەتىن ورىنداعاننان كەيىن ورنىنا ورالىپ، كەلەسى تاپسىرىستى كۇتەدى. بۇل داياشىلاردىڭ جۇمىسىن، اسىرەسە ادام كوپ بولعاندا ەداۋىر جەڭىلدەتەدى. ال قوناقتارىمىز ءۇشىن بۇل وتە قىزىق.

www.24.kz