جاڭاتاستاعى ءورت: قايتىس بولعان بەس بالانىڭ اتا- اناسىنا ءۇش بولمەلى پاتەر بەرىلدى
مەملەكەت باسشىسىنىڭ تاپسىرماسىنا سايكەس، جاڭاتاس قالاسىنداعى ءورت سالدارىنان مارقۇم بولعان بالالاردىڭ اتا- اناسىنا جامبىل وبلىسىنىڭ اكىمدىگى تاراپىنان جان- جاقتى ماتەريالدىق، پسيحولوگيالىق، دارىگەرلىك قولداۋ كورسەتۋ شارالارى قولعا الىنعان.
«ماسەلەن، جەرلەۋ ءراسىمىن ۇيىمداستىرۋدى جەرگىلىكتى اتقارۋشى ورگاندار ءوز موينىنا الدى. سونداي- اق، بالالاردىڭ اتا- اناسىنا دەمەۋشىلەر ەسەبىنەن جاڭاتاس قالاسىنان 3 بولمەلى پاتەر بەرىلدى، ال سارىسۋ اۋدانىنىڭ كاسىپكەرلەرى باسپاناعا قاجەتتى جيھاز بەن تەحنيكا الىپ بەردى. قوعامدىق ۇيىمدار، دەمەۋشىلەرمەن 3 ميلليون تەڭگەدەن استام قارجى جينالىپ، ماتەريالدىق كومەك كورسەتىلدى»، - دەلىنگەن وبلىس اكىمىنىڭ باسپا ءسوز قىزمەتىنىڭ حابارلاماسىندا.
بۇدان بولەك، مەملەكەتتىك قىزمەتكەرلەر ءبىر كۇندىك جالاقىسىن كومەك رەتىندە جولدايتىن بولدى.