قانات يسلامنىڭ كەلەسى ايقاستارىنىڭ قاشان وتەتىنى بەلگىلى بولدى

مايامي. قازاقپارات - قازاقستاندىق بوكسشى قانات يسلام (28-0، 22 ك و) بيىل تاعى ەكى جەكپە- جەك وتكىزۋدى جوسپارلاپ وتىر، دەپ حابارلايدى قازاقپارات Sports.kz-كە سىلتەمە جاساپ.

بۇل تۋرالى The Ring-كە بەرگەن سۇحباتىندا 36 جاستاعى قازاقستاندىقتىڭ پروموۋتەرى نەلسون لوپەس ءمالىم ەتتى.

لوپەستىڭ ايتۋىنشا، ولار ماۋسىم مەن قىركۇيەك ايلارىنا جوسپارلانعان. بۇل كۇردەلى ايقاس الدىنداعى «بوي جازاتىن» جەكپە- جەكتەر بولماق.

ەسكە سالا كەتەيىك، قانات يسلام 2019 -جىلدىڭ قازانىندا ۋولتەر كاۋتوندوكۆۋدى(18-2، 17 ك و) جەڭىپ، WBO International نۇسقاسى بويىنشا ورتا سالماقتا چەمپيون بەلبەۋىن قورعاعان بولاتىن. سودان بەرى ول شارشى الاڭعا شىقپاعان ەدى. بۇگىن قازاقستاندىق بوكسشى ماياميدە (ا ق ش) ەكۆادورلىق دجەيسون ميندانى (14-4-1، 8 ك و) جەتىنشى راۋندتا نوكاۋتپەن جەڭدى.

اۆتور: اياۋلىم التىنبەك