قانات يسلام «كانەلونى» جەكپە- جەككە شاقىردى

None
None
نۇر- سۇلتان. قازاقپارات - ا ق ش- تىڭ فلوريدا شتاتىنداعى ماياميدە وتكەن بوكس كەشىندە جەڭىلىپ كورمەگەن قازاقستاندىق بوكسشى قانات يسلام (27-0، 21 ك و) قارسىلاسى ەكۆادورلىق دجەيسون ميندانى (14-3-1، 8 ك و) 7 راۋندتا نوكاۋتقا ءتۇسىرىپ، جەڭىسكە جەتتى، دەپ حابارلايدى قازاقپارات ءتىلشىسى.

سونىمەن КОТV پلاتفورماسىندا تىكەلەي ەفيردەن كورسەتىلگەن جەكپە- جەك 10 راۋندقا سوزىلۋى ءتيىس بولاتىن. الايدا ايقاس بارىسىندا قانات يسلامنان ەكى رەت نوكداۋىن العان دجەيسون ميندا 7 -راۋندتا نوكاۋتقا ءتۇسىپ قالدى .

جەڭىستەن كەيىن سۇحبات بەرگەن قازاقستان بوكسشىسى مەكسيكالىق ساۋل الۆارەستى (54-1-2، 36 ك و) جەكپە- جەككە شاقىردى. «كانەلو»، vamos سەن مەنى كورىپ وتىرسىڭ، باقىتتىسىڭ، مەنى جاقسى كورەسىڭ! كەل، جەكپە- جەككە شىعايىق»، - دەدى قانات يسلام.

ەستەرىڭىزگە سالا كەتەيىك، باستاپقىدا قانات يسلام گانالىق وبوداي سايمەن (35-3-1، 26 ك و) جۇدىرىقتاسۋى ءتيىس بولاتىن. الايدا بەلگىسىز سەبەپتەرمەن افريكالىق بوكسشىنىڭ جەكپە- جەككە شىقپايتىنى انىقتالدى.

اۆتور: مارلان جيەمباي

سوڭعى جاڭالىقتار