الماتىلىق ورتوحيرۋرگتەر كۇردەلى وتا جاسادى

None
None
الماتى. قازاقپارات- الماتىلىق ورتوحيرۋرگتەر العاش رەت سىنعان وڭ جاق يىق سۇيەگىنىڭ باسى مەن بۋىنىنا وپەراتسيا جاسادى، دەپ حابارلايدى قازاقپارات ءتىلشىسى.

الماتى قالاسىنىڭ №7 قالالىق كلينيكالىق اۋرۋحاناسى باسپا ءسوز قىزمەتىنىڭ مالىمەتىنشە، قابىلداۋ بولىمىنە جاراقات العان 71 جاستاعى ناۋقاس شۇعىل تۇردە جەتكىزىلدى. وعان وڭ جاق يىق سۇيەگىنىڭ باسى ءتورت جەردەن سىندى دەگەن دياگنوز قويىلدى.

«ناۋقاس بىردەن ورتوحيرۋرگيا بولىمىنە جاتقىزىلدى. ونىڭ يىق سۇيەگىنىڭ باسى سىنىپ، ۇگىتىلىپ كەتكەن. ونى قالپىنا كەلتىرۋ مۇمكىن ەمەس ەدى. تولىق تەكسەرىستەن كەيىن ناۋقاستىڭ يىعىن ەندوپروتەزدەۋ بويىنشا وپەراتسيا جاسالدى، وعان فرانسيادا شىعارىلعان Unik (Evolutis) پروتەز قولدانىلدى»، - دەپ حابارلادى اۋرۋحانادان.

بۇعان دەيىن فرانسيالىق دارىگەرلەر وپەراتسيانىڭ مۇنداي ءتۇرى بويىنشا ورتوحيرۋرگتەر اراسىندا شەبەرلىك ساعاتىن وتكىزگەن. 2020 -جىلى فرانسيا، رەسەي جانە قازاقستاندىق دارىگەرلەر بىرلەسىپ، ەندوپروتەزدەۋ بويىنشا بىرنەشە وتا جاسادى. وسى جولى جەرگىلىكتى ماماندار اتالعان وپەراتسيانى العاش رەت وزدەرى جاسادى. وتا ءساتتى ءوتتى.

«دارىگەرلەرگە ەمدەۋ ءتاسىلىن تاڭداۋ قيىنعا سوقتى. ءبىز العاشقى ەندوپروتەزدەۋ ءادىسىن تاڭدادىق. وپەراتسيا ويداعىداي ءوتتى. بەسىنشى كۇنى ناۋقاستىڭ جاعدايى جاقساردى. قولىن ەركىن قيمىلداتا الادى. قازىرگى ۋاقىتتا العاشقى وڭالتۋ جۇمىسى جۇرگىزىلىپ جاتىر»، - دەدى ورتوحيرۋرگيا ءبولىمىنىڭ مەڭگەرۋشىسى ارنات بايزاقوۆ.

ءوز كەزەگىندە، ناۋقاس بارلىق مەديتسينا قىزمەتكەرلەرىنە العىس ءبىلدىردى.

«سوڭعى 3 كۇن جاقسى ۇيىقتاپ ءجۇرمىن. قولىمدى قورىقپاي ەركىن قوزعاي باستادىم. بۇگىن وڭ جاق قولىممەن تاماق ىشۋگە تالپىندىم. بۇرىن توسەكتەن تۇرۋىمنىڭ ءوزى مۇڭ ەدى. مەن ءدال وسى №7 اۋرۋحانانىڭ ورتوحيرۋرگيا بولىمىنە تۇسكەنىمە قۋانامىن. ايتپەسە، مەن مۇگەدەك بولىپ قالار ەدىم»، - دەيدى ناۋقاس.

دارىگەرلەردىڭ ايتۋىنشا، مۇنداي وپەراتسيا شەتەلدە قوماقتى قاراجاتقا جاسالادى. ماسەلەن فرانسيا مەن گەرمانيادا - 18 مىڭ ەۋرودان جوعارى. ال، الماتىدا تەگىن مەديتسينالىق كومەكتىڭ كەپىلدەندىرىلگەن كولەمى مەن م ءا م س اياسىندا جاسالادى.

اۆتور: الما مۇقانوۆا

سوڭعى جاڭالىقتار