قانات يسلام ايقاس الدىندا سالماق ولشەدى

نۇر- سۇلتان. قازاقپارات - جەڭىلىپ كورمەگەن قازاقستاندىق بوكسشى قانات يسلام (27-0، 21 ك و) ا ق ش- تىڭ فلوريدا شتاتىنداعى ماياميدە ايقاس الدىندا سالماق ولشەۋ راسىمىنەن ءوتتى، دەپ حابارلايدى قازاقپارات Sports.kz اگەنتتىگىنە سىلتەمە جاساپ.

«قازاقتىڭ» قارسىلاسى ەكۆادورلىق دجەيسون ميندا (14-3-1، 8 ك و) بولماق. ورتا سالماقتاعى ايقاس ون راۋندقا جوسپارلانعان. ەكى بوكسشى دا ورتا سالماقتاعى ليميتتى (72,6 ك گ نەمەسە 160 فۋنتوۆ) ورىندادى. تارازىدا قانات يسلام 72,6 ك گ سالماق كورسەتسە، ونىڭ قارسىلاسى - 72,1 ك گ.

بۇعان دەيىن حابارلانعانداي، باستاپقىدا قانات يسلام گانالىق وبوداي سايمەن (35-3-1، 26 ك و) جۇدىرىقتاسۋى ءتيىس بولعان. الايدا بەلگىسىز سەبەپتەرمەن افريكالىق بوكسشى جەكپە- جەككە قاتىسپادى.

اۆتور: اياۋلىم التىنبەك