قانات يسلامنىڭ جەكپە- جەك الدىندا قارسىلاسى اۋىستى

نۇر- سۇلتان. قازاقپارات - قازاقستاندىق بوكسشى قانات يسلامنىڭ (27-0, 21 ك و) ماياميدەگى (ا ق ش) جەكپە- جەگى قارساڭىندا قارسىلاسى اۋىستى، دەپ حابارلايدى قازاقپارات Sports.kz-كە سىلتەمە جاساپ.

Boxrec.com سايتىنىڭ مالىمەتى بويىنشا يسلام ەكۆادورلىق دجەيسون ميندامەن (14-3-1, 8 ك و) كەزدەسەدى. ورتا سالماقتاعى ايقاس 10 راۋندقا جوسپارلانعان. ەسكە سالا كەتەيىك، باستاپقىدا 36 جاستاعى قازاقستاندىق بوكسشى گانالىق سپورتشى وبوداي سايمەن (35-3-1, 26 ك و) جەكپە- جەك وتكىزۋى كەرەك ەدى.

سوڭعى رەت قانات يسلام رينگكە 2019 -جىلدىڭ قازان ايىندا شىققان بولاتىن، ول تورەشىلەردىڭ ءبىراۋىزدان قابىلداعان شەشىمىمەن ناميبيالىق ۋولتەر كاۋتوندوكۆۋدى (18-2, 17 ك و) جەتىپ، ورتا سالماقتا WBO International چەمپيونى تيتۋلىن ءساتتى قورعاعان ەدى.