قازاقستاننىڭ باسكەتبول قۇراماسى شري-لانكا كومانداسىن ويسىراتا جەڭدى

نۇر-سۇلتان. قازاقپارات - باسكەتبولدان قازاقستاننىڭ ەرلەر قۇراماسى 2021-جىلعى ازيا كۋبوگىنىڭ ىرىكتەۋ ماتچىندا ايقىن باسىمدىقپەن جەڭىسكە جەتتى، دەپ حابارلايدى قازاقپارات Sports.kz پورتالىنا سىلتەمە جاساپ.

قازاقستاندىق باسكەتبولشىلار 111:52 (28:13 , 25:16 , 31:11 , 27:12) ەسەبىمەن شري-لانكا قۇراماسىنىڭ تاس-تالقانىن شىعاردى.

وسى جەڭىستىڭ ارقاسىندا قازاقستان بەس ۇپايمەن F توبىنىڭ تۋرنير كەستەسىندە ءبىرىنشى ورىنعا كوتەرىلدى.

بۇعان دەيىن قازاقستان قۇراماسى پالەستينانى جەڭىپ (79:76)، يوردانياعا جول بەرگەن (68:71) بولاتىن. بۇل ماتچتار ءبىر جىل بۇرىن ءوتتى.

قازىرگى ۋاقىتتا كوماندالاردىڭ توپتاعى ورنى مىناداي:

قازاقستان - 5 ۇپاي (2 ماتچ)،

يوردانيا -4 (2)،

پالەستينا — 3 (2)،

شري- لانكا — 3 (3).

كەلەسى ويىندى قازاقستان قۇراماسى بۇگىن، 19 - اقپاندا، پالەستينا كومانداسىنا قارسى وتكىزەدى.