ەلوردادا ەكى باعىتتاعى جول اشىلىپ، ءبىر جول قايتا جابىلدى

نۇر-سۇلتان. قازاقپارات - ەلوردادان ەكى باعىتتاعى جول اشىلىپ، ءبىر باعىتتاعى رەسپۋبليكالىق جول قايتا جابىلدى، دەپ حابارلايدى قازاقپارات قالالىق توتەنشە جاعدايلار دەپارتامەنتىنە سىلتەمە جاساپ.

18- اقپاندا ساعات 19:00 دە اۋا-رايىنىڭ تۇراقتالۋىنا بايلانىستى «ەكاتەرينبۋرگ-الماتى» رەسپۋبليكالىق جولىنىڭ 917-1247 شاقىرىمى نۇر-سۇلتان قالاسى مەن جاقسى اۋلى ارالىعىنداعى كولىكتىڭ بارلىق ءتۇرى ءۇشىن اشىلدى.

18- اقپاندا «نۇر-سۇلتان-پاۆلودار» رەسپۋبليكالىق جولىنىڭ 16-200 شاقىرىمى نۇر-سۇلتان قالاسى مەن ەرەيمەنتاۋ قالاسى جانە شىدەرتى اۋىلى ارالىعىندا كولىكتىڭ بارلىق ءتۇرى ءۇشىن اشىلدى.

19- اقپاندا ساعات 00:30 دا اۋا-رايىنىڭ قولايسىزدىعىنا بايلانىستى (كۇشتى جەل، بوران، جولدىڭ كورىنبەۋى) «نۇر-سۇلتان-پەتروپاۆل» رەسپۋبليكالىق جولىنىڭ 18-231 شاقىرىمى نۇر-سۇلتان قالاسى مەن شۋچينسك ارالىعىندا كولىكتىڭ بارلىق ءتۇرى ءۇشىن قوزعالىس جابىلدى.

ەسكە سالا كەتسەك، اۋا رايىنىڭ جايسىزدىعىنا بايلانىستى ەلىمىزدىڭ 9 وڭىرىندە جولدار جابىلعانىن حابارلاعان ەدىك.