قاراعاندىدا وندىرىلەتىن ۆاكسينا ءبىر اپتانىڭ ىشىندە رەسمي تىركەلەدى
ۆەدومستۆونىڭ مالىمەتىنشە، بۇل پروتسەدۋرا «حالىق دەنساۋلىعى جانە دەنساۋلىق ساقتاۋ جۇيەسى» تۋرالى كودەكستە قاراستىرىلعان. وسىلايشا اتالعان مەحانيزم ارقىلى ەل اۋماعىنا كىرگىزىلگەن ءدارى-دارمەكتى قولدانۋعا بولادى دەگەن ءسوز.
ءدارى-دارمەكتى ەلگە كىرگىزۋگە رۇقسات بەرەتىن كەزدە مىندەتتى تۇردە ساپا سەرتيفيكاتى مەن ونىڭ تيىمدىلىگى مەن قاۋىپسىزدىگىن دالەلدەيتىن وزگە دە قۇجاتتار، سونىمەن بىرگە GMP حالىقارالىق ستاندارتىنا ساي ەكەنىن راستايتىن سەرتيكات تالاپ ەتىلەدى.
ال ەندى قاراعاندى فارماتسيەۆتيكا كەشەنىندە وندىرىلەتىن ۆاكتسينا بولەك ءوندىرىس الاڭىندا جاسالاتىن ءونىم رەتىندە ازىرگە تىركەلۋ ۇستىندە. بۇل ۆاكتسينا تەك قانا تىركەۋ كۋالىگىن العان سوڭ عانا قولدانىلادى.
بۇل ۆاكتسينانى تىركەۋ ءراسىمى 16-20- اقپان ارالىعىندا اياقتالادى دەپ جوسپارلانىپ وتىر. ول ءۇشىن ءونىم الدىمەن ەگجەي-تەگجەيلى زەرتتەۋدەن وتەدى جانە حالىقارالىق قاۋىپسىزدىك پەن ساپا تالاپتارىنا ساي ەكەنىن راستايتىن سەرتيفيكات الۋى ءتيىس.