USD 434.84 EUR 498.2
RUB 5.72 CNY 68.47
جاڭالىقتار

قىزىلوردادا پوشتا ارقىلى تۇرمەگە ەسىرتكى جولداپ وتىرعان ادام ۇستالدى

13 اقپان 09:30
:ءبولىسۋ
قىزىلوردادا پوشتا ارقىلى تۇرمەگە ەسىرتكى جولداپ وتىرعان ادام ۇستالدى

قىزىلوردا. قازاقپارات - قىزىلوردادا 24 جاستاعى ازامات پوشتا ارقىلى تۇزەۋ مەكەمەسىندە جازاسىن وتەپ جاتقاندارعا ەسىرتكى زاتىن وتكىزبەك بولعان، دەپ حابارلايدى قازاقپارات ءتىلشىسى.

مۇنداي جاعداي ءۇش مارتە قايتالانعان. پوليتسيا قىزمەتكەرلەرى جۇرگىزگەن جەدەل ىزدەستىرۋ جۇمىستارىنىڭ ناتيجەسىندە وبلىس ورتالىعىندا تۇراتىن 24 جاستاعى ادام قولعا ءتۇستى.

ول ۋاقىتشا ۇستاۋ يزولياتورىنا وقشاۋلاندىرىلدى. اتالعان دەرەك بويىنشا ق ر قىلمىستىق كودەكسىنىڭ 297- بابىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە.

وندا ەسىرتكى زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، ولاردى جونەلتۋ نە وتكىزۋ جاعدايى كورسەتىلگەن.

بيىلعى جىلدىڭ العاشقى ايىندا وبلىستىق پوليتسيا دەپارتامەنتى قىزمەتكەرلەرى ەسىرتكى قۇقىق بۇزۋشىلىقتىڭ 11 دەرەگىن انىقتادى. ونىڭ ىشىندە بىرەۋى - ەسىرتكىنى اسا ءىرى مولشەردە ساتۋ ماقساتىندا ساقتاۋ.

زاڭسىز اينالىمنان 15 كەلىدەن استام ەسىرتكى زاتى تاركىلەنگەن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات