الماتى وبلىسىندا اكىمدىك قىزمەتكەرلەرى ۇستالعان ءساتتىڭ ۆيدەوسى پايدا بولدى
ۆيدەونى ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى جاريالادى.
ۆيدەو كادرلارىنان اگەنتتىك قىزمەتكەرلەرى تالعار اۋدانى اكىمدىگى عيماراتىنا، ودان ءارى اۋدان اكىمى سەرىكجان ەرەكەشيەۆتىڭ كابينەتىنە كىرگەنىن كورۋگە بولادى. سىبايلاس جەمقورلىققا قارسى قىزمەت پەن ارنايى جەدەل ارەكەت ەتۋ ءبولىمى قىزمەتكەرلەرى قوسىمشا تاعى ءبىر ۇيدە ءتىنتۋ جۇرگىزدى. ونداعى بولمەلەردىڭ بىرىندە ەر ادام مەن قىز وتىرعانى كورىنەدى. ۇستەل ۇستىندە جاتقان كوك قاپتان ءبىر ميلليون تەڭگەدەن اسا سوماداعى بىرنەشە 20 مىڭ كۋپيۋراسى سالىنعان قاعاز تابىلدى.
سونىمەن قاتار، سىبايلاس جەمقورلىققا قارسى اگەنتتىك قىزمەتكەرلەرى ءۇيدىڭ اۋلاسىندا قالتاسىنان 20 مىڭدىق كۋپيۋرانى الىپ جاتقان تاعى ءبىر ادامدى ۇستادى. سونداي-اق، تالعار اۋدانى اكىمىنىڭ ورىنباسارى مەن اكىمدىكتىڭ باسقا دا لاۋازىمدى تۇلعالارىنىڭ كابينەتتەرىنە ءتىنتۋ جۇرگىزىلگەن.
ۆەدومستۆوداعىلار پارا الۋ كەزىندە شەنەۋنىكتەردى ۇستاۋ وبلىستىڭ سىبايلاس جەمقورلىققا قارسى قىزمەتىنىڭ وڭىرلىك پروكۋراتۋراسى مەن الماتى وبلىسى بويىنشا ۇ ق ك دەپارتامەنتىنىڭ بىرلەسكەن جۇمىسىنىڭ ارقاسىندا مۇمكىن بولعانىن حابارلادى.
بۇعان دەيىن قالا اكىمى سەرىكجان ەرەكەشيەۆكە جانە ونىڭ قاراماعىنداعى قىزمەتكەرلەرگە قاتىستى سوتقا دەيىنگى تەرگەۋ باستالعانى حابارلانعان. 26- قاڭتاردا ەرەكەشيەۆكە قاتىستى قاماۋدا ۇستاۋ تۇرىندەگى بۇلتارتپاۋ شاراسى سانكسيالاندى.