21:02, 10 - اقپان 2021 | GMT +6
ەلوردادا قابانباي باتىر داڭعىلىنداعى اۆتوبۋس جولاعىندا كولىكتەردىڭ جۇرۋىنە رۇقسات بەرىلدى
نۇر- سۇلتان. قازاقپارات - ەلوردادا قابانباي باتىر داڭعىلىنداعى قوعامدىق كولىك جولاعى «سەرگەك» جۇيەسىنەن الىنىپ تاستالادى، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«وتكىزۋ قابىلەتىن ارتتىرۋ ماقساتىندا بۇگىننەن باستاپ قابانباي باتىر داڭعىلىنداعى قوعامدىق كولىك جولاعى «سەرگەك» جۇيەسىنەن الىنىپ تاستالادى. اۆتوبۋس جولاعىنا تۇسكەن كولىك تىركەلمەيدى. الايدا بۇرىنعىسىنشا جىلدامدىق رەجيمىن تىركەۋ جۇرگىزىلە بەرەدى»، دەلىنگەن حابارلامادا. دەپارتامەنتتىڭ مالىمەتىنشە، جول بەلگىلەرىن وزگەرتۋ 2021 -جىلعى كوكتەمگى- جازعى كەزەڭدە اۋا رايى قولايلى بولعان كەزدە جۇرگىزىلەدى.