ەلوردادا ۇتىس ويىنىن ۇيىمداستىرۋشىلار پوليتسياعا جەتكىزىلدى

None
None
نۇر-سۇلتان. قازاقپارات - ەلوردادا گۇل ساتاتىن دۇكەننىڭ اشىلۋ قۇرمەتىنە وراي ۇتىس ۇيىمداستىرعاندار پوليتسياعا جەتكىزىلدى، دەپ حابارلايدى قازاقپارات ءتىلشىسى.

«پوليتسيا قىزمەتكەرلەرىنىڭ تالابىمەن ءىس-شارا توقتاتىلدى. جاعداي تۇراقتالىپ، جينالعان تۇرعىندار ۇيلەرىنە تاراپ كەتتى. ءىس-شارانى ۇيىمداستىرعاندار ءمان-جايدى انىقتاۋ ءۇشىن ەسىل اۋداندىق پوليتسيا باسقارماسىنا جەتكىزىلدى»، - دەيدى پوليتسيا دەپارتامەنتىنىڭ باسپا ءسوز قىزمەتىندەگىلەر.

ەسكە سالا كەتسەك، ەسىل اۋداندىق اكىمدىگى مەن پوليتسيا ماماندارىنان قۇرالعان مونيتورينگتىك توپ 2 مىڭنان استام ادامنىڭ قاتىسۋىمەن وتكەن ءىس-شارادا نۇر-سۇلتان قالاسىنىڭ باس سانيتارلىق دارىگەرىنىڭ قاۋلىسىن بۇزۋ فاكتىسىن انىقتادى.

دۇكەن اشىلۋ قۇرمەتىنە ۇتىس ويىنىن وتكىزگەن. سىيلىق الۋدى قالايتىن كوپتەگەن ادام دۇكەننىڭ جانىنا جينالعان. ۇيىمداستىرۋشىلار نە بولىپ جاتقانىن ۆيدەوعا ءتۇسىرىپ، الەۋمەتتىك جەلىگە جاريالاعان.

سوڭعى جاڭالىقتار