د د س ۇ: ەگەر مەملەكەتتەر كوروناۆيرۋس ۆاكسيناسىمەن بولىسپەسە، ءبىز باستالعان جەرگە قايتا ورالامىز

نۇر-سۇلتان. قازاقپارات - كوروناۆيرۋسقا قارسى ەكپە العاندار سانى جۇقتىرعاندار سانىنان اسىپ كەتتى. بۇل تۋرالى جۇما كۇنى د د س ۇ باسشىسى تەدرۋس گەبرەيەسۋس ايتتى، دەپ حابارلايدى قازاقپارات ب ۇ ۇ جاڭالىقتار سايتىنا سىلتەمە جاساپ.

سونداي-اق، ول ەكپەنىڭ تورتتەن ءۇش بولىگى الەمدىك ج ءى ءو-نىڭ 60 پايىزى تيەسىلى 10 ەلدە جاسالعانىن اتاپ ءوتتى. جالپى 2,5 ميلليارد ادام تۇراتىن باسقا 130 ەلدە بىردە- ءبىر ادامعا ەكپە جاسالمادى.

«كەي ەلدەردە قاۋىپ توبىنا جاتپايتىن ادامداردىڭ دا ءبىراز بولىگىنە ۆاكسينا سالىندى. كەز كەلگەن ۇكىمەت ءوز حالقىن قورعاۋعا مىندەتتى. ءبىراق ۆاكسيناسى بار ەلدەر وزدەرىنىڭ مەديتسينا قىزمەتكەرلەرى مەن قارتتارىنا ەكپە سالعاننان كەيىن، تۇرعىندارىنىڭ قالعان بولىگىن قورعاعىسى كەلسە - ۆاكسينامەن ءبولىسۋ كەرەك»، - دەدى دارىگەر تەدروس.

«الەمدەگى قاۋىپ توبىنداعى ادامدارعا ەكپە ەگۋ ءۇشىن قانشالىقتى كوپ ۋاقىت كەتسە - ءبىز ۆيرۋستىڭ مۋتاتسيالانىپ، ۆاكسينانى «الداۋىنا» سونشالىقتى كوپ مۇمكىندىك بەرەمىز. باسقاشا ايتقاندا، ءبىز ۆيرۋستى جۇمىلىپ جەڭبەسەك، باستالعان جەرگە قايتا ورالامىز»، - دەپ ءتۇسىندىردى ول.

ايتا كەتسەك، سارسەنبى كۇنى د د س ۇ مەن ونىڭ سەرىكتەستەرى COVAX باستاماسى اياسىندا كوروناۆيرۋسقا قارسى ۆاكسينانى ءبولۋدىڭ العاشقى ارالىق بولجامىن جاريالادى. كوپتەگەن ەل تۇرعىنداردى ۆاكسيناتسيالاۋ كامپانياسىن باستاۋعا دايىن، ءبىراق ازىرگە پرەپاراتتار جەتكىلىكسىز. دارىگەر تەدروس ۆاكسيناسى بار مەملەكەتتەردى باسقا ەلدەرمەن بولىسۋگە شاقىردى. «سونداي- اق ءبىز ۆاكسينا ءوندىرۋدى كوبەيتۋىمىز كەرەك. وتكەن اپتادا Sanofi كومپانياسى Pfizer/BioNTech ۆاكسينالارىن ءوندىرۋ ءۇشىن ءوزىنىڭ وندىرىستىك ينفراقۇرىلىمىن ۇسىناتىنىن ايتتى. ءبىز باسقا كومپانيالاردىڭ دا وسىدان ۇلگى العانىن قالايمىز»، - دەدى تەدروس مىرزا.

ەسكە سالساق، قازاقستاندا 1-اقپاننان باستاپ جاپپاي ۆاكسينالاۋ شاراسى باستالدى. ۆاكسينالاۋ تۋرالى تولىق اقپاراتتى قازاقپارات اگەنتتىگىنىڭ ارنايى ايدارىنان وقۋعا بولادى.