ساراپشى كەيبىر ادامدار نەگە كوروناۆيرۋس جۇقتىرمايتىنىن ايتتى

None
None
نۇر-سۇلتان. قازاقپارات - مەديتسينا عىلىمدارىنىڭ كانديداتى، رەسەي حالىقتار دوستىعى ۋنيۆەرسيتەتى جۇقپالى اۋرۋلار كافەدراسىنىڭ دوتسەنتى سەرگەي ۆوزنەسەنسكيدىڭ ايتۋىنشا، كەيبىر ادامدار COVID-19 جۇقتىرماۋى مۇمكىن، ويتكەنى ولار باسقا كوروناۆيرۋس نەمەسە ۆيرۋستىق ينفەكسيامەن اۋىرىپ شىققان يا بولماسا جەرگىلىكتى يممۋنيتەتى بار، - دەپ حابارلايدى ريا نوۆوستي.

ونىڭ ايتۋىنشا، انتيدەنەلەر بولۋى اعزانىڭ اۋرۋ قوزدىرعىشپەن كەزدەسكەنىن كورسەتەدى. بۇل جاعدايدا ادامنىڭ اۋرۋعا، ءتىپتى اي ت ۆ-عا قارسى يممۋنيتەتى بولادى.

«كوروناۆيرۋس ينفەكسياسىن جۇقتىرمايتىن مۇنداي ادامدار قاتارى كوپ. ولاردىڭ قانداي سەبەپپەن يممۋنيتەتكە يە بولعانىنا ءالى ناقتى قورىتىندى جاسالمادى»، - دەيدى ۆوزنەسەنسكي.

ونىڭ ايتۋىنشا، ادامدا كوروناۆيرۋس تۋدىراتىن باسقا اۋرۋمەن اۋىرعاندىقتان يممۋنيتەت پايدا بولادى. ەكىنشى بولجام، ۆيرۋس ينفەكسياسىن بۇعان دەيىن جۇقتىرعان، سوندىقتان ينتەرفەروندار دەڭگەيى جوعارى. ولاردىڭ سانى كوپ بولسا، وندا ۆيرۋس ينفەكتسيالارىنا سەزىمتالدىق تومەندەيدى.

ءۇشىنشى نۇسقا - ۆيرۋستىڭ تىنىس الۋ شىرىشتى قاباتىنا ەنۋىنە جول بەرمەيتىن يممۋنيتەت، بۇل يممۋندىق كەشەن جانە جەرگىلىكتى ەلەمەنتتەردىڭ بولۋى مۇمكىن ەكەنىن كورسەتەدى.

سوڭعى جاڭالىقتار