د د س ۇ «سپۋتنيك ۆ» ۆاكسيناسىنىڭ تيىمدىلىگى تۋرالى ايتتى

ماسكەۋ. تاسس- قازاقپارات - The Lancet مەديتسينالىق جۋرنالىندا رەسەيلىك «سپۋتنيك V» ۆاكسيناسىن كلينيكالىق زەرتتەۋدىڭ ءۇشىنشى كەزەڭىنىڭ ناتيجەلەرى جايلى جازىلعان جاريالانىمدا پرەپاراتتىڭ كوروناۆيرۋسپەن كۇرەسۋ ءۇشىن ءتيىمدى ەكەنىن كورسەتىلگەن.

بۇل تۋرالى سارسەنبىدە دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) رەسەيدەگى وكىلى مەليتا ۆۋينوۆيچ ايتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

ۆۋينوۆيچ، ەڭ الدىمەن، تاۋەكەل توبىندا تۇرعان ادامدارعا كوروناۆيرۋسقا قارسى ەكپە سالۋ كەرەك، بۇل ءولىم جاعدايىن ازايتۋعا كومەكتەسەدى دەپ اتاپ ءوتتى.

ول سونداي- اق پرەپاراتتى ساتىپ الا المايتىن ەلدەردى ۆاكسينامەن قامتاماسىز ەتۋ قاجەت ەكەنىن دە ايتتى.

«د د س ۇ وتە بەلسەندى قاتىسۋدا. بارلىق ەلدەرمەن كەلىسسوزدەر جوعارى دەڭگەيدە ءجۇرىپ جاتىر»، - دەدى د د س ۇ- نىڭ رەسەيدەگى وكىلى. بۇعان دەيىن حابارلانعانداي، رەسەيلىك «سپۋتنيك V» ۆاكسيناسى كوروناۆيرۋستان %92 عا جۋىق قورعايدى. سىناقتىڭ سوڭعى ساتىسىنداعى ناتيجە The Lancet جۋرنالىندا جاريالانعان بولاتىن.