ءماجىلىس دەپۋتاتتارى كوروناۆيرۋسقا قارسى ەكپە سالدىردى
ءماجىلىس دەپۋتاتتارى ۆاكسينانىڭ باستاپقى كەزەڭىنەن وزدەرىنىڭ مەديتسينالىق ارىپتەستەرىمەن قاتار العاشقىلاردىڭ ءبىرى بولىپ ءوتتى. ولار VII شاقىرىلىمداعى ءماجىلىس دەپۋتاتتارى بولىپ سايلانعانعا دەيىن ىندەتپەن كۇرەس شەڭبەرىندە ايماقتاردا مەديتسينالىق مەكەمەلەردە جۇمىس ىستەپ، حالىققا قاجەتتى كومەك كورسەتتى.
دەپۋتاتتار جاپپاي ۆاكسيناتسيالاۋ ۇجىمدىق يممۋنيتەتتى تەز قالىپتاستىرۋعا جانە قازاقستاندىقتاردىڭ ءومىرىن قالىپتى جاعدايعا كەلتىرۋگە مۇمكىندىك بەرەتىنىنە سەنىم ءبىلدىردى.
«دارىگەر رەتىندە مەن قازىر جاپپاي ۆاكسيناتسيالاۋ عانا كوروناۆيرۋستىڭ تارالۋىنا قارسى تۇرا الاتىندىعىن جاقسى تۇسىنەمىن. ارينە، بۇل ءار ادامنىڭ ەركى. مەن ناقتى شەشىم قابىلدادىم: ەكپە جاساتامىن. ويتكەنى، ول مەنىڭ دە، تۋىستارىم مەن دوستارىمنىڭ دا دەنساۋلىعى وسىعان بايلانىستى»، - دەدى ءماجىلىس دەپۋتاتى عالىمجان ەلەۋوۆ.
دەپۋتاتتار ەكپە ەنگىزىلگەننەن كەيىن دەنساۋلىقتارىنىڭ ءبىرقالىپتى ەكەندىكتەرىن ايتتى. سونىمەن قاتار، جۋرناليستەر ءماجىلىستىڭ باسقا دەپۋتاتتارىن، ونىڭ ىشىندە ءماجىلىس ءتوراعاسى نۇرلان ءنىعماتۋليننىڭ ەكپە سالدىرۋ جوسپارى تۋرالى سۇرادى. ءماجىلىستىڭ باسپا ءسوز قىزمەتى تۇسىندىرگەندەي، قالعان دەپۋتاتتاردى ۆاكسيناتسيالاۋ ناۋرىز ايىندا دەنساۋلىق ساقتاۋ مينيسترلىگىنىڭ كەستەسىنە سايكەس جۇرگىزىلەدى. ال، ءماجىلىس ءتوراعاسىنا قاتىستى ايتار بولساق، نۇرلان نىعماتۋلين وسىعان دەيىن كوروناۆيرۋس ينفەكسياسىمەن اۋىرعاندىقتان، جەتكىلىكتى انتيدەنەلەر بار. وسىعان سايكەس، ەكپە سالدىرۋدى قاجەت ەتەتىن مەديتسينالىق كورسەتكىشتەرى جوق.
اۆتور: بالنۇر قوجاگەلدى