اتىراۋلىق وقۋشى ا ق ش- تاعى بەدەلدى ۋنيۆەرسيتەتتىڭ گرانتىن ۇتىپ الدى
حيميا-بيولوگيا باعىتىندا ءبىلىم بەرەتىن وقۋ ورداسىنىڭ باسپا ءسوز قىزمەتى تاراتقان مالىمەتكە سۇيەنسەك، مەكتەپ وقۋشىسى ا ق ش- تىڭ نيۋ-يورك شتاتىندا ورنالاسقان كورنەلل ۋنيۆەرسيتەتىن تاڭداعان.
«بۇل - الەمدەگى ەڭ ءىرى ءارى بەدەلدى ۋنيۆەرسيتەتتىڭ ءبىرى. سەگىز جەكەمەنشىك ۋنيۆەرسيتەتتەن قۇرالعان ايگىلى «شىرماۋىقتار ليگاسىنا» كىرەدى. سول سەبەپتەن، وسى وقۋ ورداسىنان تاماق ونەركاسىبى سالاسىندا جوعارى ءبىلىم الۋدى كوزدەدىم»، - دەيدى باقىت وتەۋليەۆا.
ونىڭ ايتۋىنشا، جوعارى وقۋ ورنىن تاڭداۋدا بىرنەشە سەبەپكە نازار اۋدارعان. ءبىرىنشىسى - وقۋ ورنى ۇسىناتىن باعدارلامالار مەن مۇمكىندىكتەر. ەكىنشىسى - بولاشاق ماماندىعىنا قاتىستى وقىتۋ ءادىسى.
«ويتكەنى، ماعان تەك ساپالى ءبىلىم عانا ەمەس، تۇلعا رەتىندە قالىپتاسۋ كەرەك. سونداي-اق، ءوز قابىلەتىمدى جەتىلدىرىپ، كەيىن جۇمىسقا ورنالاسۋدىڭ ماڭىزى زور. وسى تۇرعىدان ايتقاندا، كورنەلل ۋنيۆەرسيتەتى تاعام ونەركاسىبى سالاسىنا بىلىكتى ماماندار دايىندايتىن ۇزدىك وقۋ ورىندارىنىڭ ءبىرى سانالادى. بۇل ۋنيۆەرسيتەتتە ستۋدەنتتەردىڭ ءوز الەۋەتىن تولىق جەتىلدىرۋگە بارىنشا جاقسى جاعداي جاسالعان»، - دەيدى بيىل مەكتەپ بىتىرگەلى وتىرعان وقۋشى.
ەسكە سالا كەتەلىك، بۇدان بۇرىن اتىراۋلىق وقۋشىلار Telegram-دا كىتاپحانا اشقان بولاتىن.