جاڭا قاۋلى: ەلوردا بازارلارىنىڭ جۇمىس كەستەسى وزگەرتىلدى

نۇر-سۇلتان. قازاقپارات - ەلوردانىڭ باس مەملەكەتتىك سانيتارلىق دارىگەرىنىڭ جاڭا قاۋلىسىنا سايكەس قالاداعى جابىق ازىق-تۇلىك جانە ازىق-تۇلىك ەمەس بازارلارىنىڭ جۇمىس كەستەسى وزگەرتىلدى، دەپ حابارلايدى قازاقپارات قالا اكىمدىگىنە سىلتەمە جاساپ.

جاڭا قاۋلىعا سايكەس جابىق ازىق-تۇلىك بازارلارى جۇمىس كۇندەرى جانە دەمالىس كۇندەرى ساعات 9:00 دەن 20:00 گە دەيىن جۇمىس ىستەيدى.

بۇل رەتتە تولتىرىلۋ ءبىر كەلۋشىگە 4 شارشى مەتر ەسەبى بويىنشا تولىمدىلىعى %30 دان اسپاۋى ءتيىس، سونداي-اق كۇشەيتىلگەن سانيتاريا-ەپيدەمياعا قارسى ءىس-شارالاردى ساقتاۋ قاجەت.

«جابىق ازىق-تۇلىك ەمەس بازارلاردىڭ جۇمىسىن ۇيىمداستىرۋدى قامتاماسىز ەتۋ، ءبىر كەلۋشىگە 4 شارشى مەتر ەسەبى بويىنشا تولىمدىلىعى %30 دان اسپايتىن ءتارتىپتى ساقتاي وتىرىپ، كۇشەيتىلگەن سانيتاريا-ەپيدەمياعا قارسى ءىس-شارالاردى ساقتاي وتىرىپ، جۇمىس جانە سەنبى كۇندەرى ساعات 9:00 دەن 20:00 گە دەيىن جۇمىس ىستەۋىنە رۇقسات ەتىلدى. ال جەكسەنبى كۇندەرى جۇمىس ىستەمەيدى. جۇمىس ۋاقىتى اياقتالعاننان كەيىن ساۋدا زالىندا ساتىپ الۋشىلاردىڭ جۇرۋىنە تىيىم سالىنادى»، - دەلىنگەن سانيتاريا دارىگەرىنىڭ قاۋلىسىندا.

ايتا كەتەيىك، تۇرعىندار سانيتارلىق تالاپتار مەن نورمالاردى قاتاڭ ساقتاۋى كەرەك. ماسكا رەجيمى، الەۋمەتتىك قاشىقتىق مىندەتتى تۇردە ساقتالۋى ءتيىس.