شىعىس قازاقستاندا اقىلى جول پايدا بولادى
ش ق و پوليتسيا دەپارتامەنتىنىڭ مالىمەتىنشە، 2021-جىلى «قازاۆتوجول» كومپانياسى بەسقاراعاي، جارما اۋداندارى مەن سەمەي قالاسى ارقىلى وتەتىن رەسپۋبليكالىق «ومبى-مايقاپشاعاي» تاسجولىنىڭ ۋچاسكەسى (پاۆلودار وبلىسىنىڭ شەكاراسى-قالباتاۋ كەنتى) بويىنشا قاتىناۋ جۇك كولىكتەرى ءۇشىن اقىلى بولادى.
جول قوزعالىسىن باقىلاۋ ارنايى جۇيەنىڭ كومەگىمەن جۇزەگە اسىرىلادى.
«وسى ماقساتتا وتكەن جىلدىڭ سوڭىندا ينۆەستورلاردىڭ قاراجاتى ەسەبىنەن اتالعان جول ۋچاسكەسى بويىنشا 8 باقىلاۋ اركاسى ورناتىلدى. قازىرگى ۋاقىتتا كامەرالاردى ىسكە قوسۋ-رەتتەۋ جۇمىستارى جۇرگىزىلىپ جاتىر. جول ءجۇرۋ باعاسى 5-9- ناۋرىز ارالىعىندا سەمەي مەن شار قالالارى، قالباتاۋ كەنتى جانە بەسقاراعاي اۋىلىندا بەلگىلەنگەن قوعامدىق تىڭداۋلار وتكىزىلگەننەن كەيىن انىقتالادى»، - دەپ حابارلادى ۆەدومستۆو وكىلدەرى.