20:23, 03 - اقپان 2021 | GMT +6
ەلوردادا تاعى ءبىر كوشەدە ءبىرجاقتى قوزعالىس بولادى
نۇر- سۇلتان. قازاقپارات - ەلوردادا 1 -ناۋرىزدان باستاپ ر. قوشقاربايەۆ داڭعىلى بويىندا ق. امانجولوۆ كوشەسىنەن م. تولەبايەۆ كوشەسىنە دەيىن ورنالاسقان ءبىرقاتار جەرگىلىكتى وتپە جولدىڭ ۋچاسكەسىندە ءبىرجاقتى قوزعالىستى ەنگىزۋ جوسپارلانىپ وتىر.
بۇل تۋرالى قالالىق پوليتسيا دەپارتامەنتى باسپا ءسوز قىزمەتىنەن ءمالىم بولدى، دەپ حابارلايدى قازاقپارات ءتىلشىسى.
«اتالعان ۋچاسكەلەردە كولىك قوزعالىسىنىڭ كۇردەلەنۋىنە بايلانىستى كوپتەگەن شاعىمدارمەن تۇرعىندار اكىمدىككە ءوتىنىم جاساعاننان كەيىن وسىنداي شەشىم قابىلداندى»، - دەلىنگەن حابارلامادا.
وسى ورايدا بۇل ۋچاسكەلەردىڭ جول- تەحنيكالىق جاعدايىنا زەرتتەۋ جۇرگىزىلىپ، ءبىرجاقتى قوزعالىس ەنگىزۋ تۋرالى ۇسىنىس قابىلداندى. بۇل وزگەرىستەر جولداعى كولىك قوزعالىسى جولاقتارىن ءتيىمدى پايدالانۋعا، قاراڭعى كەزدە قوزعالىستىڭ قاۋىپسىزدىگىن ارتتىرۋ، كولىك جەلىسىنە كەرى اسەر ەتىپ تۇرعان جاعدايلاردى انىقتاۋعا مۇمكىندىك بەرەدى.