ۆاكسيناتسيادان كەيىن قانداي اۋرۋ بەلگىلەرى بولۋى مۇمكىن؟

نۇر-سۇلتان. قازاقپارات - نۇر-سۇلتان قالالى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ كوروناۆيرۋسقا قارسى ۆاكسينا سالدىرعاننان كەيىن قانداي اسەرلەر بولۋى مۇمكىندىگىن ءتۇسىندىردى.

«قانداي ۆاكسينا سالدىرساق تا، ءدارى ەكتىرسەك تە ونىڭ ادام اعزاسىنا ءارتۇرلى اسەرى بولۋى مۇمكىن. ياعني، ەكپە جاساتقان جەر اۋىرسىنىپ قىزارادى. بۇعان قوسا، جالپى اعزانىڭ رەاكسياسى بولىپ، كەي ادامدا دەنە قىزۋى كوتەرىلىپ، السىزدىك پايدا بولۋى مۇمكىن. مۇنىڭ بارلىعى ادام اعزاسىنا بايلانىستى»، دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

تيمۋر مۇراتوۆتىڭ ايتۋىنشا، ۆاكسيناتسيا جاساتقان ادامنىڭ قولىنا جادىناما بەرىلەدى. وندا ەكپە سالدىرعاننان كەيىن بارلىق كورسەتىلىمدەر تولىقتاي جازىلعان.

«ۆاكسيناتسيادان كەيىن 3 كۇن بويى ىشىمدىك ىشۋگە، تەمەكى شەشۋگە بولمايدى. مونشاعا تۇسۋگە جانە سۋىق تيگىزۋگە بولمايتىندىعىن دا ناۋقاستارعا تۇسىندىرەمىز. ءوزىم بۇگىن تاڭەرتەڭگى ساعات 10:00-دە ۆاكسينا سالدىردىم. قازىر جاعدايىم جاقسى، ماعان دا ءتۇسىندىردى. سونىمەن قاتار بۇل پروتسەسس سيرفلاندىرىلعان. كەيىن سىزگە س م س حابارلاما كەلەدى. وندا ءوزىمدى قالاي ۇستاۋىم كەرەكتىگى جانە 21-اقپاندا ەكىنشى كومپونەنتتى الۋعا كەلۋىم تيىستىگى ەسكەرتىلگەن»، تيمۋر مۇراتوۆ.