ماڭعىستاۋلىق وقۋشى انيماتسيا جاساۋمەن اينالىسادى
ازيزا كەلەشەك ماماندىعىن دا وسى سالادان كورەدى. بولاشاق انيماتور 7-سىنىپ وقىپ جۇرگەندە- اق مۋلتيپليكاتورلار ەڭبەك نارىعىندا %72 سۇرانىسقا يە، ەڭ قاجەتتى مامان ەكەنىن دە زەرتتەپ ۇلگەرگەن.
ودان بولەك، بولاشاقتا ت. جۇرگەنوۆ اتىنداعى ونەر اكادەمياسىندا وسى باعىت بويىنشا جوعارى ءبىلىم الۋدى ماقسات ەتىپ الدىنا قويعان.
«مۋلتيپليكاتور دەگەنىمىز - مۋلتفيلم جاسايتىن سۋرەتشى. انيماتور كەيىپكەرلەردىڭ سىرتقى ءتۇرىن انىقتايدى. قيمىلىن سىزىپ، سيۋجەتتىك جەلىمەن جۇمىس ىستەيدى. وعان ءتۇس پەن قيالدى قوسىڭىز. بارلىعى قوسىلىپ، ءسىز كورەتىن مۋلتفيلم، انيماتسيالىق فيلمدى قۇرايدى. سۋرەتتى بالا كۇنىمنەن سالىپ جۇرگەندىكتەن، ونى سوتكاتەلەفوندا ءتۇرلى گرافيكالىق باعدارلامالاردى قولدانىپ سالۋدى ۇيرەنە باستادىم. سودان باستاپ قىزعۋشىلىعىم ويانىپ، اتا-انامنان گرافيكالىق سۋرەتتەردى سالاتىن پلانشەتتە جۇمىس جاساعىم كەلەتىنىن جەتكىزگەم. اتا-انام ءسوزىمدى جەرگە تاستاماي، بىردەن شىعارماشىلىق قولداۋ ءبىلدىردى»، - دەيدى ازيزا نۇرلان قىزى.