ارناۋلى وپەراتسيا: ەلوردادا ءىرى ەسىرتكى ارناسى جويىلدى

نۇر- سۇلتان. قازاقپارات - ەلوردادا ارناۋلى وپەراتسيا بارىسىندا قالاعا تۇراقتى ەسىرتكى زاتىن جەتكىزىپ وتىرعان ارنا جويىلدى، دەپ حابارلايدى قازاقپارات ءتىلشىسى.

«نۇر- سۇلتان قالاسىنا ەسىرتكى جەتكىزۋ ارناسىنىڭ جولىن كەسۋگە باعىتتالعان، ناقتى جوسپارلانعان ءىس- شارا بارىسىندا 37 جاستاعى جامبىل وبلىسىنىڭ تۋماسى ۇستالىپ، ودان كالاشنيكوۆ اۆتوماتى مەن ونىڭ 2 ماگازينى، 50 گە جۋىق وعى تاركىلەندى. ساراپتاما تاعايىندالدى. ۇستالعان كۇدىكتىنىڭ تۇرعىن ءۇي جايىن ءتىنتۋ بارىسىندا 3 پوليەتيلەن پاكەتتەگى جانە ولشەنىپ 5 تۇيىرشىككە سالىنعان ماريحۋانا، 7 ميلليون 440 مىڭ تەڭگە تابىلدى. تاركىلەنگەن ەسىرتكى زاتىنىڭ جالپى سالماعى 3 كەلىنى قۇرايدى جانە قارا نارىقتاعى قۇنى شامامەن 6 ميلليون تەڭگەگە جۋىقتايدى»، - دەلىنگەن نۇر- سۇلتان قالالىق پوليتسيا دەپارتامەنتىنىڭ اقپاراتىندا.

كۇدىكتى ءىرى كولەمدە ەسىرتى زاتىن زاڭسىز ساقتاعانى ءۇشىن ق ر قىلمىستىق كودەكسىنىڭ 296-بابى 4-تارماعىمەن 3 تەن 7 جىلعا دەيىن، ال ق ر ق ك 287-بابى 3-تارماعىمەن قارۋ- جاراقتى زاڭسىز ۇستاعانى ءۇشىن 5 جىلعا دەيىن باس بوستاندىعىنان ايىرىلۋى مۇمكىن. ۇستالعان ازامات نۇر- سۇلتان قالالىق پوليتسيا دەپارتامەنتىنىڭ ۋاقىتشا وقشاۋلاعىشىنا قامالدى. تەرگەۋ امالدارى جۇرگىزىلىپ جاتىر.