بۋرابايدا قوعامدىق ءتارتىپتى ساقتاۋعا قازاقى جىلقىلار تارتىلىپ وتىر

بۋراباي. قازاقپارات - اقمولا وبلىسىنىڭ بۋراباي كۋرورت ايماعىندا قوعامدىق ءتارتىپتى ساقتاۋعا قازاقى جىلقىلار تارتىلۋدا، دەپ حابارلايدى قازاقپارات ءتىلشىسى.

بۋراباي اۋدانىندا كاۆالەريالىق ۆزۆود 2016-جىلدان بەرى جۇمىس ىستەپ كەلەدى. بۇگىندە قوعامدىق ءتارتىپتى ساقتاۋدا قازاقى تۇقىمىنان 29 جىلقى پايدالانىلۋدا. ونىڭ ءارقايسىسى سەرتيفيكاتتاۋدان جانە وقىتۋدان وتكەن.

اۋداندىق پ ب بالانسىندا 12 قىزمەتكەرگە 29 جىلقى بەكىتىلگەن. ياعني ءار قىزمەتكەرگە ەكى جىلقىدان كەلەدى. پاترۋلدەۋ ءبىر كۇندە ءبىر اتپەن، ەكىنشى كۇنى وزگە اتپەن جۇزەگە اسىرىلادى. سوندىقتان، اتتار دەمالادى.

«ولار جازعى ۋاقىتتا كوشەدە، سونداي-اق قىسقى ۋاقىتتا كۇندىز، ال كەشكە 30 قوراعا ارنالعان ارنايى جىلى ورىندا ۇستالادى. كۇن سايىن مارشرۋتقا شىعارامىز» دەيدى كاۆالەريا ۆزۆودى بولىمشەسىنىڭ كومانديرى سەرگەي شالايەۆ.